Nazarbaev halyqaralyq kompanııa basshylarymen kelissózder júrgizdi
Memleket basshysy Sheteldik ınvestorlar keńesiniń plenarlyq otyrysyna qatysý kezinde birqatar halyqaralyq kompanııa basshylarymen birlesken kelissózder júrgizdi.
Atap aıtqanda, Qazaqstan Prezıdenti «Enı S.p.A.» kompanııasynyń bas atqarýshy dırektory Klaýdıo Deskaltsımen, «Roııal Datch Shell» kontserniniń bas atqarýshy dırektory Ben van Berdenmen jáne «LÝKOIL» kompanııasynyń prezıdenti Vagıt Alekperovpen áńgimelesti.
Kelissózder barysynda kompanııalardyń Qazaqstannyń munaı-gaz salasyndaǵy qyzmetiniń negizgi baǵyttary talqylanyp, Qarashyǵanaq pen Qashaǵan ken oryndaryn ıgerý úderisin odan ári úılestirý men josparlaýdyń ózekti aspektileri qaraldy.
Kompanııalar basshylary Sheteldik ınvestorlar keńesiniń jumysy tabysty ekenin atap ótip, Nursultan Nazarbaevqa respýblıkada qolaıly ınvestıtsııalyq ahýal jasaǵany úshin alǵys aıtty.