Nazarbaev farmatsevtıka salasy týraly: Taǵy da eskertý jasaımyn

ASTANA. QazAqparat - Memleket basshysy Nursultan Nazarbaev farmatsevtıkalyq salanyń damýyna kedergi keltirip júrgenderge eskertý jasady, dep habarlaıdy QazAqparat.

Qazaqstannyń farmatsevtıkalyq salasy damýdyń jańa kezeńinde turǵanyna toqtalǵan Elbasy, bul baǵyttaǵy kásiporyndarǵa halyqaralyq GMP standarttary engizilgenin atap ótti.

Sonymen qatar, Prezıdent osy saladaǵy elimizdiń kompanııalarynyń damýyna kedergi jasap otyrǵandardy synǵa aldy.

«Bizdiń otandyq farmatsevtıkalyq salanyń damýyn tejep jasap júrgenderge taǵy da eskertý jasaımyn. Bul salanyń órkendeýine qajetti jaǵdaı jasaý kerek. Atalǵan másele meniń jiti qadaǵalaýymda. Sondyqtan taǵy da eskertý jasaımyn!», - dedi Memleket basshysy jalpyulttyq telekópir barysynda.

Aıta keteıik, Memleket basshysynyń qatysýymen «Jańa ındýstrııalandyrý: qazaqstandyq barystyń qadamy» ulttyq telekópiri ótti. Shara barysynda onlaın rejıminde búkil el boıynsha jańa ındýstrııalyq-ınnovatsııalyq, ınfraqurylymdyq, energetıkalyq, agroónerkásiptik jobalar iske qosyldy.

Telekópir barysynda Prezıdent «Hımfarm» AQ-nyń (Ońtústik-Qazaqstan oblysy) qatty dári-dármek nysandarynyń jańa tsehyn iske qosty.