Nazarbaev dárisi EEO-nyń aldaǵy 20 jylǵa arnalǵan jol kartasy bolyp tabylady - Eýrazııalyq yqpaldastyq ınstıtýty

ASTANA. QazAqparat - M. Lomonosov atyndaǵy Máskeý memlekettik ýnıversıtetindegi QR Prezıdenti Nursultan Nazarbaev dárisi EEO-nyń aldaǵy 15-20 jylǵa arnalǵan jol kartasy bolyp tabylady.

Bul týraly Astanada Ortalyq kommýnıkatsııalar ortalyǵynda Eýrazııalyq yqpaldastyq ınstıtýtynyń dırektory Janargúl Qusmanǵalıeva málim etti.

«Keshe MMÝ-de bolǵan dáris osydan jıyrma jyl bolǵan oqıǵamen baılanysyp jatyr. 1994 jyly N.Nazarbaev Máskeýde Eýrazııalyq ekonomıkalyq odaq jobasyn usynǵan bolsa, bıylǵy baıandamasy Eýrazııalyq ekonomıkalyq odaqty iske asyrýdyń jáne damytýdyń aldaǵy 15-20 jylǵa arnalǵan jol kartasy dep aıtýǵa bolady. Onda strategııalyq mańyzǵa ıe 5 baǵyt usynylǵan. Olardyń árqaısysyna naqty qadamdar berilgen», - deıdi ol.

Sarapshynyń aıtýynsha,onyń ishinde ulttyq ekonomıkalardy ınnovatsııalyq-tehnologııalyq damytý, kólik, munaı-gaz ınfraqurylymyn joǵary deńgeıge kóterýmen qatar shaǵyn jáne orta bızneske qoldaý kórsetý, quqyqtyq-uıymdastyrýshylyq máselelerdi sheshý, mádenı-gýmanıtarlyq baılanystardy kúsheıtý máseleleri qarastyrylyp otyr.