Nazarbaev bos jatqan jerdiń ıelerin anyqtaýdy tapsyrdy
«Jer qatynastary men qurylys salasyndaǵy bıýrokratııalyq rásimder ózekti máselege aınalyp otyr. Bul salada ashyqtyq joq, halyq pen bıznes tolyq aqparat ala almaıdy. Sondyqtan, jer qory men jyljymaıtyn múlik nysandary týraly málimetterdiń biryńǵaı aqparattyq bazasyn jasaýdy tapsyramyn. Bul másele boıynsha tártip ornatyp, jerdi naqty ınvestorlarǵa berý kerek», - dedi Prezıdent.
Prezıdent QR Bas prokýrory Qaırat Qojamjarovqa bos jatqan jerlerdiń ıesin tabýdy tapsyrdy.
«Astananyń ózinde nysan turǵyzǵysy keletinder jer tappaı júr. Bos turǵan jerdiń ıesi bar. Kimniń atyndaǵy jer? Prokýratýra aty-jónin jarııalasyn. Jerdi alǵanyna qarsy emespin, biraq alǵan jerdi paıdalansyn. Agrarlyq sektorda da qaraýsyz qalǵan jerlerdi múk basyp, basqa jerge zııanyn keltirip jatyr. Sondyqtan, jerdi jumys isteıtin adamǵa berý kerek. Ol úshin Memlekettik qyzmetter týraly zańdy jedel túrde jańartý qajet», - dedi Prezıdent.
Sondaı-aq, halyqtyń jáne bıznes qoǵamdastyǵynyń narazylyǵyn týǵyzatyn basqa da baǵyttar boıynsha tıisti jumystar júrgizý kerek.
«Memlekettik qyzmet kórsetýde halyq pen memlekettik qyzmetshi arasyndaǵy tikeleı qatynas azaıady. Jalpy, 2019 jyly kórsetiletin memlekettik qyzmetterdiń 80 protsenti, al 2020 jyly - keminde 90 protsenti elektrondy formatqa kóshirilýi tıis», - dedi N. Nazarbaev.
