Nazarbaev bızneske kedergi keltirmeýdi qatań talap etti
ASTANA. QazAqparat - El ekonomıkasy tirshiliginiń negizi - jekemenshik, shaǵyn jáne orta bıznes.
Bul týraly búgin Astanada ótip jatqan Respýblıka sýdıalarynyń VII sezinde Qazaqstan Prezıdenti Nursultan Nazarbaev aıtty, dep habarlaıdy QazAqparat.
«Bizdiń Konstıtýtsııamyzda jekemenshikke qol suǵylmaıtyndyǵy jazylǵan. Al biz bolsaq kerisinshe, Táýelsizdiktiń alǵashqy kúninen bıznesmenderge tap berdik. Olardyń belgili bir aqshalary bar, olar bıznesmender. Dúken ashty ma, demek ury jáne ony sonaý bir kezderdegi OBHSS (sotsıalıstik menshikti urlaýmen kúres jónindegi bólim) prıntsıpimen qurtý kerek», - dedi Nazarbaev.
Memleket basshysy mundaı psıhologııa eńserilgenimen, onyń sarqynshaǵy bar ekendigin atap ótti.
«El ekonomıkasy tirshiliginiń negizi - jekemenshik, shaǵyn jáne orta bıznes. Esterińizge saqtańyzdar, men muny ár ýaqytta da aıtyp kelemin, meniń bulaı bolǵandyǵyn qalaǵanymnan emes. Naryqtyq ekonomıkadaǵy basty ról bızneske tıesili», - dedi Elbasy.
