Nazarbaev bıyl 21 elge saparmen bardy
ASTANA. QazAqparat - QR Prezıdenti Nursultan Nazarbaev 2016 jyly 21 elge saparmen bardy. Bul týraly búgin Ortalyq kommýnıkatsııalar qyzmetindegi brıfıngte elimizdiń syrtqy ister mınıstri Erlan Ydyrysov málim etti, dep habarlaıdy QazAqparat.
«Ótip bara jatqan jyl Memleket basshysynyń shet elderge nátıjeli saparlaryna jáne bizdiń elimizde joǵary deńgeıdegi saparlarǵa toly boldy. 2016 jyly memleket basshysy 21 sheteldik sapar jasap, sheteldik memleketterdiń, úkimetterdiń jáne halyqaralyq uıymdardyń 15 basshysyn qabyldady. Jyl basynan beri jalpy 49 halyqaralyq shara men 81 ekijaqty sapar ótti», - dedi Ydyrysov.
Mınıstrdiń atap ótýinshe, ótip bara jatqan jyldyń ishinde shetelde saýda-ekonomıkalyq jáne ınvestıtsııalyq taqyryptardy qamtyǵan 300-den astam shara uıymdastyrylǵan. Olardyń qatarynda ekonomıka kúnderi, bıznes forýmdar, dóńgelek ústelder syndy sharalar bar.
«Qazaqstanǵa sheteldik elderdiń iskerlik jáne ekonomıkalyq ortalary ókilderiniń 600-den astam sapary oryn aldy», - dedi ol.
