Nazarbaev áıelder qaýymyna ónegeli áńgime aıtyp berdi
«Er-azamattar ashýlansa sabyrǵa, arazdassa tatýlastyqqa shaqyryp, eldi berekeli etý sizderge baılanysty. Bir áńgime estip edim. Shaǵyn qalada kórshi eki otbasy turypty. Bir qabyrǵanyń ar jaǵynda bireýi, ber jaǵynda ekinshisi. Bir úıde typ-tynysh, únemi kúlki, ádemi áńgime bolsa, bir úıde kúnde urys, tóbeles bolyp jatady eken. Birde jańaǵy urys bola beretin úıdiń áıeli kúıeýin kórshilerdi baıqap kelýge jumsapty. Ol jasyryn baryp, syǵalap qarap otyrady. Sóıtse kórshiniń áıeli eden jýyp jatyr eken. Ústeldiń ústin jýyp jatyp qymbat vazany shetke qaraı qoıady. Osy kezde kúıeýi kelip, kıimin sheship, ústeldiń janyna barǵan kezde qymbat vazany qulatyp syndyrady. Syǵalap otyrǵan kórshisi qazir tóbeles-urys bastalady dep oılaıdy. Alaıda kúıeýi áıeline kelip keshirim surasa, áıeli: «egerde vazany ústel shetine qoımasam ol synbas edi» dep ol da kúıeýinen keshirim suraıdy. Osyny kórip úıge kelgen odan áıeli ne boldy dep suraıdy. «Olar bir-birinen keshirim surap, qateligin aıtady eken. Biz keshirim suramaq túgili bir-birimizdi kemshiligimizdi moıyndamaımyz» degen eken. Sondyqtan keshirimdi bolýy eki jaqtan da qajet nárse. Otbasynyń amandyǵy, tynyshtyǵy el úshin de kerek», - dedi Nursultan Nazarbaev.
Aıta keteıik, kezdesýge Májilis depýtaty Zaǵıpa Balıeva, ǵalym-mıkrobıolog Álııa Ernazarova, Ýnıversıada-2017 chempıony Anna Shevchenko, QHA múshesi, aýyl mektebiniń dırektory Irına Sedova, «Jas Atameken» jas kásipkerler klýbynyń prezıdenti Zarına Kókjanova, aqyn Tolqyn Qabylsha, ánshi Marııa Galıtskaıa, «Teńizshevroıl» JShS adam resýrstaryn basqarý bas menedjeri, aýdandyq aýrýhananyń bas dárigeri Qarlyǵash Rázıeva, Ulttyq ekonomıka vıtse-mınıstri Mádına Ábilqasymova, «Astana-Balet» teatrynyń jetekshi balerınasy Mılana Býkanova, kópbalaly ana Oksana Mýkasheva, qobyzdan halyqaralyq baıqaýlardyń laýreaty Aqerke Tájibaeva, Astana qalalyq kámeletke jasy tolmaǵandar isi jónindegi mamandandyrylǵan aýdanaralyq sottyń tóraǵasy Nazılııa Razzak, Abaı atyndaǵy memlekettik akademııalyq opera jáne balet teatrynyń solısi Oksana Davydenko, QR QK Parashıýt daıyndyǵy ortalyǵynyń aǵa mamany Rımma Ramazanova, aktrısa Saltanat Baqaeva, jýrnalıst Venera Mırlanqyzy qatysýda.