Nazarbaev áýejaıynda túske deıingi reısterdiń ýaqyty keıinge shegeriledi
ASTANA. QazAqparat - Nursultan Nazarbaev halyqaralyq áýejaıynda túske deıin ushyp keletin jáne ushatyn barlyq áýe baǵyttary keıingi ýaqytqa shegeriledi, dep habarlaıdy QazAqparat áýejaıdyń baspasóz qyzmetine silteme jasap.
«Josparly jóndeý jumystaryna baılanysty Nursultan Nazarbaev halyqaralyq áýejaıynyń ushyp-qoný jolaǵy 10-21 qyrkúıek aralyǵynda kúndizgi ýaqytta jabyq bolady. Jóndeý jumystary jergilikti ýaqyt boıynsha saǵat 09:00-den 13:00-ge deıin júrgiziledi. Nátıjesinde áýejaıdan túske deıin ushyp keletin jáne ushatyn barlyq áýe baǵyttary shegeriledi», - delingen habarlamada.
Áýe baǵyttarynyń ýaqyty ózgertilgeni týraly aqparatty bılet satqan áýe kompanııalarynan jáne táýlik boıy jumys isteıtin áýejaıdyń anyqtama qyzmetinen myna nómir boıynsha +7 (7172) 702 999 alýǵa bolady.
Aıta keterligi, atalǵan ýaqyt aralyǵynda tek ushyp-qoný qonaǵy ǵana jabylady, áýejaı termınaldary shtatty túrde jumys jasaıdy.
