Nazarbaev áýejaıynda eki reıstiń ýaqyty shegerildi
NUR-SULTAN. QazAqparat – Elordada Nursultan Nazarbaev halyqaralyq áýejaıynda eki birdeı reıstiń ýaqyty shegerildi, dep habarlaıdy QazAqparat.
Bul týraly áýejaıdyń baspasóz hatshysy Ánýar Shalekenov málim etti.
«Nursultan Nazarbaev halyqaralyq áýejaıy eki áýe reıstiń keshigip jatqanyn habarlaıdy. Nur-Sultan – Túrkistan baǵytyndaǵy reıs keste boıynsha tańǵy saǵat 9.05-te ushyp shyǵýy kerek bolǵan. Tehnıkalyq sebepterge baılanysty josparlanǵan rezervtik áýe kemesiniń jetkiliksizdiginen saǵat 20.10-ǵa deıin keshigedi.
Sondaı-aq SCAT áýe kompanııasynyń Nur-Sultan – Almaty baǵytyndaǵy reısi áýe kemesiniń keshigip jetýine baılanysty 16.30-ǵa shegerildi. Josparlanǵan ýaqyty saǵat 14.05 bolatyn», - dedi áýejaı ókili.
