Nazarbaev Astanada kóp jyldan beri pátersiz júrgen turǵyndarǵa nazar aýdarýdy tapsyrdy
«Páter alý kezekteri bárinen buryn tirkeýge turý máselelelerimen baılanysty. Bólek bir ǵımarattarda ondaǵan nemese júzdegen azamat tirkeýge turady. Qalanyń Ońtústik Shyǵysy aýdanyndaǵy úılerdiń birinde 1 700-den astam adam tirkelgen. Tek bir ǵana úıde osynshama adam tirkeýge engizilgen. «Prıgorodnyı» shaǵyn aýdanynda ornalasqan jataqhanadaǵy bir bólmede 1 200 adam tikelgeni málim boldy. Árıne, bul adamdardyń sol bólmelerde turmaıtyny belgili. Alaıda tirkelip, memlekettik baspanaǵa úmitker retinde belgilendi», - dedi Prezıdent.
Memleket basshysy áleýmettik turǵyda az qamtylǵandar arendalyq baspanany alýy tıis ekenin jetkizdi. Prezıdent basqa sanattaǵylar túrli turǵyn úı baǵdarlamalaryna qatysý qajet ekenin, osy oraıda turǵyn úı jınaq júıesindegi, nesıelik jáne ıpotekalyq baǵdarlamalarǵa qatysqandyǵy durys bolatynyn atap ótti.
«Shyn máninde basqa óńirden kelip, bir bólmege myń adam tirkeýge turady. Nátıjesinde, bir aı buryn alystan kelgen bireýge páter beriledi. Al burynnan osynda jumys istep, birtindep aqsha jınaǵan Astana turǵyndary páter almaı, áli de júr», - dedi Memleket basshysy.
