Nazarbaev: Álemdik qoǵamdastyqta jahandyq ıadrolyq qaýipsizdik boıynsha aýyzbirshilik joq

ASTANA. QazAqparat - Álemdik qoǵamdastyqta jahandyq ıadrolyq qaýipsizdik máselesinde birlik joq. Bul týraly búgin Qazaqstan aýmaǵynda qurylǵan Halyqaralyq tómen baıytylǵan ýran bankin resmı ashý saltanatynda Elbasy Nursultan Nazarbaev aıtty, dep habarlaıdy QazAqparat. 

«Álemniń toǵyz memleketinde ıadrolyq qarýdyń 16 myń birligi bar. Ǵalymdar ıadrolyq qarý-jaraqtyń jarty protsenti ǵana klımatty buzyp, Jer betinde jahandyq asharlyq týdyratyndyǵyn eseptep shyǵarypty. Bul ózin ózi qurtý degendi bildiredi, keleshek joq. Ózderińizde biletindeı, álemdik qoǵamdastyqta jahandyq ıadrolyq qaýipsizdik máselesinde ókinishke oraı birlik joq. Onyń basty sebebi negizgi ıadrolyq derjavalardyń arasyndaǵy senimniń joqtyǵy. Bul búgingi kúnniń shyndyǵy», dedi Nursultan Nazarbaev.

Elbasy álemde ıadrolyq tejelý, ıadrolyq qarýdy taratpaý, ıadrolyq qarýdy qysqartý syndy strategııalardyń bar ekendigin, degenmen olardyń jetildirilmegendigin atap ótti. Atalǵan ýaǵdalastyqty buzýshylardyń esh jazalanbaıtyndyǵyn, olardy halyqaralyq kelisimshartty oryndaýǵa mindetteıtin erejeniń joqtyǵyn aıtty.

«Qazaqstan óz tarapynan tańdaýyn jasady. Biz ıadrolyq qarýsyzdaný jáne jahandyq ıadrolyq qaýipsizdikti jaqtaýshymyz. ıAdrolyq qaýipsizdik jónindegi barlyq konventsııaǵa qol qoıyp, ıadrolyq terrorızmmen kúres boıynsha jahandyq bastamanyń negizigin qalaýshylardyń biri boldyq. Buǵan qosa, biz ıadrolyq qaýipsizdik tek qana ámbebap bolýy jáne kemsitýshi bolmaýy tıis dep sanaımyz. Búginde 190 eldiń basyn qosatyn G-Global bastamasy dál osyǵan baǵyttalǵan», Nursultan Nazarbaev.