Nazarbaev Aleksandr Výchıchti Serbııa Prezıdenti saılaýyndaǵy jeńisimen quttyqtady

ASTANA. QazAqparat  - Memleket basshysy Nursultan Nazarbaev A.Výchıchti Serbııa Respýblıkasy Prezıdentiniń saılaýyndaǵy jeńisimen Qazaqstan halqynyń jáne jeke óziniń atynan quttyqtady dep habarlaıdy Aqordanyń baspasóz qyzmeti.

«Sizdiń basshylyǵyńyzben Serbııa órkendeý jolynda jańa tabystarǵa qol jetkizetin bolady.

Qazaqstan men Serbııa arasyndaǵy ózara qarym-qatynastyń damyp kele jatqanyna qýanyshtymyn. Astana men Belgradtaǵy kezdesýlerimizdi jyly sezimmen eske ala otyryp, elderimizdiń dostyǵy men yntymaqtastyǵy odan ári nyǵaıa túsedi dep senemin.

Sizge zor densaýlyq, jaýapty qyzmetińizge tabys, al dostas Serbııa halqyna baq-bereke tileımin», - delingen jedelhatta.