Nazarbaev: Adamdardy bıznes ashýǵa úıretý kerek
Memleket basshysy búgingi kúni shaǵyn jáne orta bıznes kórsetkishterin arttyrý jáne halyqty jumyspen qamtý jumystyń negizgi baǵyttarynyń biri bolyp otyrǵandyǵyn basa aıtty.
«Qazirgi ýaqytta «Atameken» «Bastaý bıznes» dep atalatyn óte jaqsy oqytý baǵdarlamasyn júzege asyrý ústinde. Adamdardy bıznes ashýǵa úıretý, qaıda barý, nesıeni qalaı alý kerektigine keńes berý qajet. «Atameken» «Bıznes bastaý» aıasynda bul jumystardy júrgizýde, qoldaý kerek. Sodan keıin shaǵyn jáne orta bıznes óndirgen ónim kólemi ósýi tıis. Jumyspen qamtýdy arttyrý, adamdardy ózin barlyq qajetti dúnıemen qamtamasyz etýdi úıretý qajet. Memleket oǵan kómek te beredi», - dep atap ótti Elbasy.
Osy oraıda oblys ákimi Arhımed Muhambetov Qostanaı óńirinde 34 baǵdarlamanyń jumys istep jatqanyn, onyń aıasynda kásipkerler nesıe alyp, bıznesin ulǵaıtý múmkinshiligine ıe bolyp otyrǵanyn basa aıtty. Sondaı-aq Qostanaı oblysynyń ákimi Memleket basshysyna bul máselede óńirdiń, ásirese ońtústik aýdandarynda belsendi jumystar júrgizilip jatqany baıqalyp otyrǵandyǵyn aıtyp, sendirdi.
Eske salaıyq, búgin jumys saparymen Qostanaıǵa kelgen Elbasy Nursultan Nazarbaev birqatar nysandarda boldy . Atap aıtqanda, Prezıdent «Əýejaı» shaǵynaýdanynda memlekettik baǵdarlamamen salynyp jatqan turǵyn úı qurylysymen tanysty. Shaǵynaýdanda memlekettik-jekemenshik áriptestik aıasynda 900 oryndyq jalpy bilim beretin mektep, sondaı-aq sport jáne oıyn-saýyq kesheniniń qurylysy boı kóterýde.
Sondaı-aq N.Nazarbaev «SaryarqaAvtoProm» zaýytyna bardy. Búgin «SaryarqaAvtoProm» JShS usaqtúıindi óndiris boıynsha jańa tehnologııalyq ədisti iske qosty. Ədis «monokok» dep atalady. Prezıdentke Peugeot, JAC, Iveco jəne basqa da elektromobılder kórsetildi.
Sheteldik ınvestorlarmen, zaýyt qyzmetkerlerimen ótken kezdesýden keıin Elbasyna Qostanaı oblysynyń ınvestıtsııalyq əleýeti tanystyryldy.
