Nazarbaev Ábý-Dabıde «Bolashaq energııasy» sammıtine qatysady
ÁBÝ-DABI. QazAqparat - QR Prezıdenti N. Nazarbaev BAÁ-degi resmı saparynyń ekinshi kúninde «Bolashaq energııasy» (World Future Energy Summit) Dúnıejúzilik Sammıti forýmyna qatysady, dep habarlady «QazAqparat» HAA menshikti tilshisi.
«Bolashaq energııasy» sammıti - jyl saıyn Ábý-Dabıde ótetin bolashaq energetıkalyq ónerkásipti damytýǵa, ekologııa máselelerine arnalǵan kórme-konferentsııa. Forým energııanyń jańartylǵan kózderi, ekologııalyq taza tehnologııalar men qorshaǵan ortany qorǵaý máseleleri qozǵalatyn álemdegi eń iri, mańyzdy shara bolyp tabylady. Ol Ábý-Dabı murager hanzadasy, BAÁ qarýly kúshteriniń bas qolbasshysynyń orynbasary sheıh Mohammed bın Zaıed Ál Nahaıannyń baqylaýymen Ornyqty damý aptasy aıasynda ótedi.
Bıyl BAÁ astanasyndaǵy sammıtke on bir shet memleket basshylary qatysady, onyń ishinde Koreı Respýblıkasynyń prezıdenti jáne Marokko koroli bar. Sharany uıymdastyrýshy - «Masdar Group» kompanııasy.
