Nazarbaev 12 qazanda Ázerbaıjanǵa saparmen barady

ASTANA. QazAqparat - Qazaqstan Prezıdenti Nursultan Nazarbaev bıyl 12 qazanda Ázerbaıjan memleketine saparmen barady. Bul týraly búgin Astanada 13-shi Ekonomıkalyq yqpaldastyq boıynsha Qazaqstan-Ázerbaıjan úkimetaralyq komıssııasynyń otyrysynda Ázerbaıjannyń Energetıka mınıstri Natıg Álıev málim etti.

«Nursultan Ábishuly - bizdiń halyqtardyń, aımaqtyń patrıarhy, aqsaqaly. Biz onyń danalyǵy úshin, Ázerbaıjan eline degen qarym-qatynasy úshin qatty syılaımyz. Biz Nursultan Ábishulynyń bıyl 12 qazanda Ázerbaıjanǵa jasaıtyn saparyn asyǵa kútýdemiz», - dedi ol komıssııa otyrysynda.

Aıta keteıik, komıssııa otyrysynda 14 sala boıynsha eki el áriptestigin ary qaraı tereńdetý baǵytyndaǵy máseleler talqylandy.