Naızǵaı, burshaq: 28 mamyr kúngi aýa raıy boljamy
NUR-SULTAN. QazAqparat – 28 mamyr kúni Qazaqstan terrıtorııasynyń soltústik-batys, soltústik jáne ortalyq bóligi keń antıtsıklonnyń yqpalynda bolǵandyqtan, jaýyn-shashynsyz aýa raıy kútiledi. Respýblıkanyń qalǵan terrıtorııasynda atmosferalyq frontaldy bólikterdiń ótýimen qubylmaly kún raıy boljanady, keı jerlerde naızaǵaı, jańbyr, burshaq bolady. Sondaı-aq jekelegen óńirde jel kúsheıip, daýyl turady, dep habarlaıdy QazAqparat.
«Qazgıdromet» RMK boljamynsha, Shyǵys Qazaqstan oblysynyń keı jerlerinde 15-20 m/s jel turyp, ekpini 25 m/s jetýi yqtımal. Sondaı-aq daýyl, burshaq boljanady.
Túrkistan oblysynyń keı jerlerinde daýyl, shańdy daýyl, 15-20 m/s jyldamdyqta jel kútiledi.
Jambyl, Batys Qazaqstan oblystarynda kúndiz keı jerlerde jel 15-20 m/s kúsheıedi, burshaq jaýýy yqtımal.
Qaraǵandy, kúndiz Almaty, Atyraý, Qostanaı, Aqtóbe oblystarynyń keı jerlerinde jeldiń ekpini 15-20 m/s artady.
Mańǵystaý, túnde jáne tańerteń Soltústik Qazaqstan oblystarynda tuman bolady.
Sonymen qatar, kúndiz Qyzylorda, Aqtóbe, Batys Qazaqstan oblystarynda, Qaraǵandy oblysynyń ońtústiginde qatty ystyq saqtalady.
Sınoptıkterdiń málimetinshe, Qyzylorda, Aqtóbe, Qaraǵandy, Pavlodar, Shyǵys Qazaqstan, Almaty oblystarynyń keı jerlerinde, Jambyl, Atyraý, Batys Qazaqstan, Qostanaı oblystarynyń jekelegen aýdandarynda óte joǵary órt qaýpi saqtalady.
