Naızaǵaı, jel, jaýyn - seısenbige arnalǵan aýa raıy boljamy
ASTANA. QazAqparat - «Qazgıdromet» RMK 19 naýryzǵa arnalǵan aýa raıy boljamyn usynady, dep habarlaıdy QazAqparat.
Qazaqstannyń ońtústiginde, ońtústik-shyǵysynda jáne batysynda atmosferalyq front bólikteriniń ótýine baılanysty qubylmaly aýa raıy saqtalady.
Keı jerlerde jaýyn-shashyn jaýady, respýblıkanyń qalǵan aýmaǵynda jaýyn-shashynsyz aýa raıy kútiledi.
Túrkistan, Qyzylorda oblystarynyń keı jerlerinde jeldiń jyldamdyǵy 25 m/s jetip, naızaǵaı jarqyldap, tuman túsedi.
Aqtóbe oblysynyń keı jerlerinde tuman, kóktaıǵaq bolyp, túnde keı jerlerde jel 15 m/s kúsheıedi.
Mańǵystaý, Almaty oblystarynyń keı jerlerinde jel 15-22 m/s kúsheıedi. Aqmola, Atyraý, Qostanaı, Soltústik Qazaqstan, Pavlodar, Jambyl, Batys Qazaqstan, Qaraǵandy, túnde jáne tańerteń Shyǵys Qazaqstan oblystarynyń keı jerlerinde tuman túsedi,
Batys Qazaqstan oblysynyń keı jerlerinde kóktaıǵaq bolyp, Jambyl, Qaraǵandy oblystarynda jeldiń jyldamdyǵy15-20 m/s jetedi.
