Naızaǵaı, jel, jańbyr-burshaq – Sársenbige arnalǵan aýa raıy boljamy
NUR-SULTAN. QazAqparat – Sınoptıkterdiń boljaýynsha, sársenbi kúni jańbyr jaýyp, naızaǵaı oınaıdy, jel kúsheıedi, keı jerlerde burshaq jaýyp, daýyl soǵýy yqtımal, dep habarlaıdy QazAqparat Qazgıdrometke silteme jasap.
«21 tamyzda atmosferalyq aǵyndardyń ótýine baılanysty elimizdiń soltústik, ortalyq, shyǵys bóliginde jaýyn jaýady, soltústikte keı jerlerlerde qatty nóser jaýady. Keı jerlerde naızaǵaı, jel kúsheıýi, daýyl kútiledi, burshaq jaýýy múmkin, soltústikte túnde jáne tańerteń tuman kútiledi», delingen boljaýda.
Soltústik Qazaqstan, Qostanaı jáne Aqmola oblystarynda daýyl kútiledi, keı jerlerde burshaq jaýýy múmkin, túnde jáne tańerteń keı jerlerde tuman kútiledi, jel 15-20 m/s kúsheıedi.
Túrkistan, kúndiz Qaraǵandy, Shyǵys Qazaqstan, Pavlodar oblystarynyń keı jerlerinde jel 15-20 m/s kúsheıedi, túnde Pavlodar oblysynda tuman kútiledi.
Kúndiz Atyraý, Aqtóbe oblystarynda, Mańǵystaý, Batys Qazaqstan oblystarynyń keı jerlerinde qatty ystyq kútiledi.
Qyzylorda, Túrkistan oblystarynda, Qaraǵandy oblysynyń basym bóliginde, Jambyl, Shyǵys Qazaqstan oblystarynyń keı jerlerinde, Aqtóbe oblysynyń ońtústik bóliginde, Pavlodar oblysynyń soltústik-shyǵysynda óte joǵary órt qaýipi saqtalady.
