Naızaǵaı, jel, daýyl: Erteń úsh óńirde kún buzylady
NUR-SULTAN. QazAqparat - «Qazgıdromet» mamandary aýa raıynyń buzylýyna baılanysty birneshe óńirde eskertý jarııalady, dep habarlaıdy QazAqparat.
14 shilde kúni Atyraý oblysynda keı jerlerde túnde naızaǵaı jarqyldap, kúndiz shańdy daýyl soǵady. Keı jerlerde ońtústik-shyǵystan soqqan jeldiń ekpini 15-20 m/s jetedi.
14 shilde kúndiz Almaty oblysynda jáne Taldyqorǵan qalasynda soltústik-shyǵystan kúshti jel turady. Jel jyldamdyǵy keı jerlerde 15-20 m/s deıin kúsheıedi.
14 shildede Batys Qazaqstan oblysynda keı jerlerde kún kúrkireıdi, ońtústik-shyǵystan soǵatyn jeldiń kúshi 15-20 m/s jetedi.
Osy kúni Oral qalasynda ońtústik-shyǵystan kúshti jel turady. Jel qarqyny - 18 m/s.
