Naızaǵaı, jel, burshaq: Qazaqstannyń basym bóliginde daýyldy eskertý jarııalandy

ASTANA. KAZINFORM – «Qazgıdromet» RMK-nyń málimetinshe, 7 tamyzda Qazaqstannyń 16 óńirinde, sondaı-aq Astana men Shymkent qalalarynda daýyldy eskertý jarııalandy.

Astanada kúndiz naızaǵaı, burshaq jáne daýyldy jel kútiledi. Ońtústik-shyǵystan soltústik-shyǵysqa aýysatyn jeldiń ekpini kúndiz 15-20 m/s jetedi.

Shymkentte joǵary órt qaýipi saqtalady.

Abaı oblysynda túnde shyǵysta, ortalyqta naızaǵaı, al kúndiz batysta naızaǵaı men burshaq bolady. Túnde jáne tańerteń soltústikte tuman. Jeldiń baǵyty batys pen soltústikte soltústik-batystan ońtústik-shyǵysqa aýysady, ekpini 15-20 m/s. Oblystyń ońtústigi men ortalyǵynda órt qaýpi óte joǵary.

Aqtóbe oblysynda túnde batys, soltústik jáne ortalyqta naızaǵaı. Jel ońtústik-batystan soltústik-batysqa aýysyp, ekpini 15-20 m/s. Kúndiz oblystyń ońtústiginde aptap ystyq — 37°C. Órt qaýpi joǵary.

Aqmola oblysynda kúndiz soltústik pen shyǵysta qatty jańbyr, burshaq jáne daýyldy jel. Túnde batys pen ońtústikte naızaǵaı. Jeldiń ekpini 15-25 m/s deıin jetedi.

Atyraý oblysynda túnde shyǵysta naızaǵaı, kúndiz qatty ystyq — 35-38°C. Soltústik pen shyǵysta órt qaýpi óte joǵary.

Almaty oblysynda taýly aımaqtarda naızaǵaı, al batys pen soltústikte kúndiz aptap ystyq — 35°C. Órt qaýpi óte joǵary.

Shyǵys Qazaqstan oblysynda túnde batys, soltústik jáne shyǵysta naızaǵaı, kúndiz shyǵysta burshaq jaýýy múmkin. Túnde jáne tańerteń tuman. Jeldiń ekpini 15-20 m/s.

Jambyl oblysynda taýly aımaqtarda naızaǵaı. Jel 15-20 m/s. Órt qaýpi joǵary.

Batys Qazaqstan oblysynda soltústik pen shyǵysta naızaǵaı, burshaq. Jeldiń ekpini 15-20 m/s. Ońtústikte kúndiz 35°C ystyq. Órt qaýpi joǵary.

Qaraǵandy oblysynda batys pen shyǵysta naızaǵaı, kúndiz batysta burshaq, túnde jáne tańerteń shyǵysta tuman. Ońtústikte órt qaýpi óte joǵary.

Qostanaı oblysynda batys, soltústik jáne shyǵysta naızaǵaı, kúndiz burshaq. Túnde jáne tańerteń tuman. Jeldiń ekpini 15-20 m/s, kúndiz ońtústikte 35°C ystyq. Órt qaýpi óte joǵary.

Qyzylorda oblysynda kúndiz naızaǵaı, daýyldy jel jáne shańdy daýyl. Jeldiń ekpini 15-20 m/s. Óńirdiń ońtústiginde órt qaýpi óte joǵary.

Mańǵystaý oblysynda kúndiz aptap ystyq — 38-40°C. Órt qaýpi óte joǵary.

Pavlodar oblysynda kúndiz batys, soltústik jáne shyǵysta naızaǵaı, túnde tuman.

Soltústik Qazaqstan oblysynda kúndiz naızaǵaı, burshaq jáne daýyldy jel. Túnde naızaǵaı, túnde jáne tańerteń tuman. Jeldiń ekpini 15-25 m/s.

Túrkistan oblysynda taýly asýlarda jeldiń ekpini 15-20 m/s. Órt qaýpi óte joǵary.

Ulytaý oblysynda soltústik, shyǵys jáne ortalyqta naızaǵaı. Ońtústikte órt qaýpi óte joǵary.