Naızaǵaı, jaýyn, burshaq – Jumaǵa arnalǵan aýa raıy boljamy
NUR-SULTAN. QazAqparat – «Qazgıdromet» RMK 16 tamyzǵa arnalǵan aýa raıy boljamyn usynady, dep habarlaıdy QazAqparat.
Atmosferalyq aýa aǵyndardyń ótýine baılanysty respýblıkanyń basym bóliginde qubylmaly aýa raıy saqtalady, soltústikte qatty jańbyr jaýyp, naızaǵaı kútiledi.
Keı jerlerde jel kúsheıedi, shańdy daýyl, daýyl kútiledi, burshaq jaýýy yqtımal, respýblıkanyń soltústiginde túnde jáne tańerteń keı jerlerinde tuman túsedi.
Pavlodar, Soltústik Qazaqstan, Aqmola, Jambyl oblystarynyń keı jerlerinde daýyl kútiledi, jel 15-20, kúndiz ekpini 25 m/s kúsheıedi, burshaq jaýýy yqtımal, túnde jáne tańerteń Aqmola oblysynyń keı jerlerde tuman bolady.
Shyǵys Qazaqstan, Soltústik Qazaqstan, Qaraǵandy, Jambyl oblystarynyń keı jerlerinde jel 15-20 m/s kúsheıedi, burshaq jaýýy yqtımal, Qaraǵandy oblysynyń keı jerlerinde daýyl soǵady.
Túrkistan, Almaty, Qyzylorda oblystarynyń keı jerlerinde jel 15-25 m/s kúsheııýi kútiledi, Túrkistan oblysynyń keı jerlerinde daýyl, shańdy daýyl bolady.
Qostanaı oblysynyń keı jerlerinde túnde jáne tańerteń tuman túsedi.
Qyzylorda, Túrkistan, Jambyl, Qaraǵandy, Shyǵys Qazaqstan, Almaty oblystarynda joǵary órt qaýpi saqtalady, Aqtóbe oblysynyń keı jerlerinde, Aqmola oblysynyń batysynda, Pavlodardyń oblysynyń ońtústiginde óte joǵary órt qaýpi kútiledi.
