Naızaǵaı, jaýyn-shashyn: Astana men 13 oblysta daýyldy eskertý jarııalandy

ASTANA. KAZINFORM — Sınoptıkter erteń Qazaqstannyń birneshe óńirinde naızaǵaı oınap, jaýyn-shashyn, kóbine jańbyr jaýatynyn jáne ekpini kúshti jel soǵatynyn eskertti, dep jazdy Qazgıdromet RMQ. 

Ulytaý oblysynyń shyǵysynda jańbyr jaýady. Ońtústik-batystan, batystan jel soǵady, kúndiz oblystyń soltústiginde, shyǵysynda ekpini sekýndyna 16 metrge jetedi.

Qaraǵandy oblysynyń batysynda jaýyn-shashyn (kóbinese jańbyr) jaýady. Túnde jáne tańerteń oblystyń shyǵysynda, ońtústiginde tuman túsedi. Ońtústik-batystan, batystan jel soǵady, kúndiz oblystyń batysynda, soltústiginde, shyǵysynda ekpini sekýndyna 15-20 metr bolady.

Aqmola oblysynyń soltústiginde jaýyn-shashyn (jańbyr, qar), kúndiz oblystyń soltústiginde jańbyr, naızaǵaı oınaıdy. Ońtústik-batystan, batystan jel soǵady, túnde oblystyń soltústiginde, shyǵysynda ekpini 15-20 m/s, oblystyń soltústiginde, shyǵysynda 23-28 m/s bolady.

Soltústik Qazaqstan oblysynda soltústiginde, shyǵysynda jańbyr jaýady, kúndiz naızaǵaı oınaıdy. Batystan jel soǵady, túnde ekpini 15-20 m/s, kúndiz ekpini 23-28 m/s-ke deıin jetedi.

Aqtóbe oblysynda ońtústik-batystan jel soǵady, kúndiz oblystyń soltústiginde ekpini 15-18 m/s bolady.

Túrkistan oblysynyń taý asýlarynda soltústik-shyǵystan jel soǵady, kúshi - 15-20 m/s.

Pavlodar oblysynyń soltústiginde, shyǵysynda jańbyr jaýady, túnde oblystyń batysynda, soltústiginde kóktaıǵaq bolady. Ońtústik-batystan jel soǵady, túnde oblystyń batysynda, soltústiginde ekpini 15-20 m/s, oblystyń batysynda, ońtústiginde ekpini 25 m/s bolady.

Astanada ońtústik-batystan, batystan jel soǵady, keı ýaqyttarda ekpini sekýndyna 15-20 metrge jetedi.

Abaı oblysynda jel ońtústik-batystan soǵady, kúndiz oblystyń batysynda, soltústiginde, ortalyǵynda ekpini 15-20 m/s bolady.

Almaty oblysynyń shyǵysynda, taý etegindegi aýdandarynda 1-3 gradýs úsik bolady.

Jetisý oblysynda soltústik-shyǵystan jel soǵady, oblystyń shyǵysynda ekpini - 15-20 m/s.

Qostanaı oblysynyń shyǵysynda, ońtústiginde shańdy daýyl, ońtústik-batystan, batystan jel soǵady, kúndiz ekpini sekýndyna 15-20 metrge, oblystyń soltústiginde, shyǵysynda keı ýaqyttarda 23 metrge jetedi.

Jambyl oblysynyń taýly aýdandarynda tuman túsedi. Soltústik-shyǵystan jel soǵady, oblystyń ońtústik-batysynda, soltústik-shyǵysynda, taýly aýdandarynda ekpini sekýndyna 15-20 metrge jetedi. Túnde oblystyń ońtústiginde topyraq betinde 1 gradýs úsik saqtalady.