Naızaǵaı, jańbyr, jel - seısenbige arnalǵan aýa raıy boljamy
NUR-SULTAN. QazAqparat – Seısenbi elimizde naızaǵaı oınap, jańbyr jaýady, jel kúsheıedi, keı jerlerde daýyl soǵýy múmkin. Sondaı-aq burshaq jaýyp, tuman túsedi, dep habarlaıdy QazAqparat Qazgıdrometke silteme jasap.
16 maýsymda Qazaqstannyń basym bóliginde antıtsıklon áserinen jaýyn-shashynsyz aýa raıy kútiledi, respýblıkanyń soltústik-shyǵysynda, shyǵysynda jáne ońtústik-shyǵysynda frontaldy bólikterdiń ótýine baılanysty qubylmaly aýa raıy saqtalady, keı jerlerde naızaǵaı oınap, jańbyr jaýady. Keı jerlerde jel kúsheıip, ońtústikte jáne ońtústik-batysta shańdy daýyl soǵady, soltústikte tuman túsýi yqtımal, ortalyqta jáne shyǵysta burshaq jaýýy múmkin.
Aqmola, Batys Qazaqstan, Shyǵys Qazaqstan, kúndiz Jambyl, Pavlodar oblystarynda jel 15-20 m/s kúsheıedi, Shyǵys Qazaqstan oblysynyń keı jerlerinde kúndiz burshaq jaýýy yqtımal.
Qaraǵandy oblysynyń keı jerlerinde daýyl soǵady, burshaq jaýýy múmkin, túnde keı jerlerde jel 15-20 m/s, kúndiz 15-20, keı jerlerde 23 m/s kúsheıedi.
Qyzylorda oblysynda jeldiń jyldamdyǵy 15-20, keı jerlerde 23 m/s jetedi, keı jerlerde shańdy daýyl soǵýy múmkin.
Túrkistan, Mańǵystaý oblystarynyń keı jerlerinde jeld kúsheıip, jyldamdyǵy 15-20 m/s jetedi, shańdy daýyl soǵýy múmkin.
Almaty, Atyraý oblystarynda, Mańǵystaý oblysynyń ońtústiginde qatty ystyq saqtalady.
Atyraý, Qyzylorda, Qaraǵandy oblystarynda, Aqtóbe, Aqmola, Túrkistan, Jambyl oblystarynyń basym bóliginde, Pavlodar, Almaty, Qostanaı oblystarynyń keı jerlerinde, Batys Qazaqstan oblysynyń ońtústiginde óte joǵary órt qaýipi saqtalady.
