Búgin 11 óńirde aptap ystyq bolady
ASTANA. KAZINFORM – «Qazgıdromet» RMK Qazaqstan aımaqtarynda bolatyn qaýipti meteorologııalyq qubylystarǵa boljam jasady. 10 maýsymda elimizdiń birqatar oblystarynda qatty ystyq kútiledi.
«Qazgıdromet» RMK málimeti boıynsha, atmosferalyq fronttardyń ótýimen QR terrıtorııasynyń basym bóliginde áli de turaqsyz aýa-raıy saqtalady. Naızaǵaımen jańbyr, elimizdiń soltústiginde – qatty jańbyr jaýady, burshaq, daýyl kútiledi. Respýblıka boıynsha jel kúsheıýi múmkin.
Kúndiz Almaty, Batys Qazaqstan, Atyraý, Mańǵystaý, Qyzylorda oblystarynda, Jetisý, Ulytaý, Jambyl oblystarynda, Aqtóbe oblysynyń jáne Abaı oblysynyń ońtústiginde, Túrkistan oblysynyń shóldi aýdandarynda qatty ystyq kútiledi.
Mańǵystaý, Túrkistan, Jambyl, Almaty oblystarynda jáne Jetisý, Ulytaý oblystarynda, Qyzylorda oblysynyń batysynda, soltústiginde, Aqtóbe oblysynyń batysynda, Qostanaı, Batys Qazaqstan, Abaı oblystarynyń ońtústiginde, Qaraǵandy, oblysynyń otalyǵynda joǵary órt qaýipi saqtalady.
Atyraý, Túrkistan oblystarynda, Batys Qazaqstan oblysynyń batysynda, Qyzylorda oblysynyń ońtústiginde, soltústik-shyǵysynda, ortalyǵynda, Mańǵystaý oblysynyń soltústiginde, shyǵysynda, ortalyǵynda, Aqtóbe oblysynyń ońtústiginde, Jambyl oblysynyń shyǵysynda, batysynda tótenshe órt qaýipi kútiledi.
