Naızaǵaı, jańbyr, burshaq: «Qazgıdromet» kún raıy boljamyn jarııalady

ASTANA. KAZINFORM – «Qazgıdromet» RMK-sy mamyrdyń 2-si kúngi kún raıy boljamyn jarııalady.

Kásiporynnyń derekterine qaraǵanda, Qazaqstannyń basym bóligindegi aýa raıyna atmosferalyq frontaldy bólikter áser etetin bolady, osyǵan baılanysty naızaǵaı oınap jańbyr, túnde ońtústik shyǵystyń taýly aýdandarynda jaýyn-shashyn (jańbyr, qar), eldiń batysynda jáne ońtústik-shyǵysynda burshaq jaýady.

Tek QR ońtústik-batysynda, soltústik-batysynda kún jaýyn-shashynsyz bolady. Respýblıka boıynsha jel kúsheıip, eldiń batysynda, ońtústik-shyǵysynda – jel turyp, shańdy daýyl kóteriledi, elimizdiń soltústiginde, shyǵysynda, túngi jáne tańǵy saǵattarda tuman túsedi.

Qostanaı oblysynyń shyǵysynda, Shyǵys Qazaqstan oblysynyń soltústiginde, shyǵysynda, Abaı oblysynyń soltústiginde, ortalyǵynda 1-3 gradýsqa deıin úsik júredi. Aqtóbe oblysynyń soltústiginde, Ulytaý oblysynda, Aqmola oblysynyń batysynda topyraq betinde 1-2 gradýsqa deıin úsik júredi.

Qyzylorda, Jambyl, Túrkistan oblystarynda, Almaty oblysynyń batysynda, ortalyǵynda, Atyraý, Qaraǵandy oblystarynyń ońtústiginde, Aqtóbe oblysynyń ońtústiginde, ońtústik shyǵysynda, Mańǵystaý oblysynyń soltústik shyǵysynda, shyǵysynda, ortalyǵynda, Ulytaý oblysynyń ortalyǵynda, Jetisý oblysynyń ońtústiginde, Shyǵys Qazaqstan oblysynyń soltústik-batysynda, ońtústiginde, Abaı oblysynyń soltústik-batysynda, ońtústiginde, ortalyǵynda joǵary órt qaýipi kútiledi.

Osyǵan deıin ShQO-daǵy Buqtyrma ózeninde sý deńgeıi kóterilip ketkeni týraly jazdyq.