Naızaǵaı, jańbyr, burshaq: 6 mamyrǵa arnalǵan aýa raıy boljamy

ASTANA. KAZINFORM – «Qazgıdromet» RMK 6 mamyrǵa arnalǵan aýa raıy boljamyn jarııalady.

Sınoptıkterdiń boljamy boıynsha aýqymdy antıtsıklon áserinen elimizdiń basym bóliginde aýa raıy jaýyn-shashynsyz bolady.

Tek elimizdiń batysynda, soltústiginde atmosferalyq frontaldy bólikterdiń jyljýyna baılanysty naızaǵaı oınap, jańbyr jaýady, batysta nóser jańbyr bolyp, arasynda burshaq túsedi.

Respýblıka boıynsha ortaq tabıǵı qubylys – jeldiń ekpin alýy.

Elimizdiń ońtústiginde shańdy daýyl turyp, batysynda tuman bolady dep boljanady.

Sondaı-aq, Qyzylorda, Jambyl, Túrkistan oblystarynda, Almaty oblysynyń soltústiginde, ortalyǵynda, Atyraý óńiriniń ońtústiginde, Batys Qazaqstan oblysynyń ortalyǵynda, Qaraǵandy oblysynyń soltústiginde, batysynda, ońtústiginde, shyǵysynda, ońtústiginde, Ulytaý oblysynyń ortalyǵynda, ońtústiginde, Aqtóbe, Pavlodar oblystarynyń ońtústik-shyǵysynda, ońtústiginde Qostanaı óńiriniń soltústiginde, shyǵysynda, ońtústiginde, Mańǵystaý oblysynyń ortalyǵynda, soltústik-batysynda, Shyǵys Qazaqstan oblysynyń ońtústiginde, batysynda, Aqmola oblysynyń ońtústiginde, Jetisý oblysynyń batysynda, soltústiginde, ońtústik-shyǵysynda, soltústik-batysynda, ońtústiginde, Abaı oblysynyń ortalyǵynda órt qaýpi joǵary bolady.

Túrkistan oblysynyń batysynda, shóleıtti aýdandarynda, Qyzylorda oblysynyń shyǵysynda, ortalyǵynda tótenshe órt qaýpi bar.

Aıta keteıik, aldaǵy kúnderi respýblıka aýmaǵynda aýa raıyn Ońtústik tsıklon qalyptastyrady. Soǵan baılanysty 6 - 8 mamyr aralyǵynda elimizdiń batysynda, soltústik-batysy men soltústiginde, al 8 mamyrdan bastap ortalyq, shyǵys jáne ońtústik óńirlerde jańbyr jaýyp, naızaǵaı oınap, kúndiz burshaq túsýi múmkin.