Naızaǵaı, jańbyr: 26 qyrkúıekke arnalǵan aýa raıy boljamy

ASTANA. KAZINFORM — «Qazgıdromet» RMK 26 qyrkúıekke arnalǵan aýa raıy boljamyn jarııalady.

Sınoptıkterdiń boljaýynsha, soltústik tsıklon jáne onymen baılanysty frontaldy bólimder Qazaqstan aýmaǵy arqyly jyljýdy jalǵastyrady. Eldiń kóp bóliginde naızaǵaı oınap, jańbyr jaýady. Tek QR shyǵysyna, ońtústik-shyǵysyna jaýyn-shashynsyz aýa-raıyn saqtaı otyryp, antıtsıklon silemi áser etedi. Respýblıka boıynsha jel kúsheıedi, túnde jáne tańerteń tuman, ońtústiginde shańdy daýyl bolady.

Túnde Shyǵys Qazaqstan oblysynyń shyǵysynda 1 gradýs úsik júredi.

Batys Qazaqstan oblysynyń soltústiginde, Pavlodar oblysynyń shyǵysynda joǵary órt qaýpi kútiledi.

Atyraý oblysynyń soltústik-shyǵysynda, Mańǵystaý oblysynyń ońtústik-shyǵysynda, Aqtóbe oblysynyń ońtústiginde de joǵary órt qaýpi boljanǵan.

Túrkistan, Qyzylorda oblystarynda, Atyraý oblysynyń soltústiginde, ońtústiginde, shyǵysynda tótenshe órt qaýpi kútiledi.

Jambyl oblysynyń batysynda, soltústiginde, ortalyǵynda, Batys Qazaqstan oblysynyń batysynda, ońtústiginde, shyǵysynda da tótenshe órt qaýpi bar.

Aqtóbe oblysynyń batysynda, soltústiginde, soltústik-shyǵysynda,ortalyǵynda, Almaty oblysynyń soltústiginde, Qaraǵandy, Qostanaı, Ulytaý oblystarynyń ońtústiginde tótenshe órt qaýpi kútiledi.