Naızaǵaı, tuman, jel: Elimizdiń jeti óńirinde eskertý jarııalandy
NUR-SULTAN. QazAqparat - Aýa raıynyń buzylýyna baılanysty Qazaqstannyń bárqatar óńirinde eskertý jarııalandy, dep habarlaıdy QazAqparat «Qazgıdromet» RMK baspasóz qyzmetine silteme jasap.
25 tamyzda Shyǵys Qazaqstannyń keı jerlerinde naızaǵaı jarqyldap, daýyl soǵady. Kúndiz burshaq jaýady. Ońtústik-shyǵystan soqqan jel ońtústik-batysqa aýysyp, keı jerlerde jel ekpini 15-20, 25 m/s jetedi.
Óskemen men Semeıde kún kúrkireıdi . Jel qarqyny - 15-20 m/s.
25 tamyz túnde Qyzylorda oblysynyń keı jerlerinde naızaǵaı oınaıdy. Soltústik-batystan jáne soltústikten jel soǵady. Túnde jáne tańerteń jel jyldamdyǵy keı jerlerde 15-20 m/s deıin kúsheıedi. Kúndiz tótenshe órt qaýpi saqtalady.
25 tamyzda Qaraǵandy oblysynyń shyǵysynda túnde qatty jańbyr jaýady. Keı jerlerde naızaǵaı jarqyldap, daýyl turady, burshaq kútiledi. Soltústik-shyǵystan jáne soltústikten soqqan jeldiń kúshi - 15-20 m/s. Aımaqtyń ońtústik-batysynda óte joǵary órt qaýpi saqtalady.
Erteń Qaraǵandy jáne Jezqazǵan qalalarynda kún kúrkireıdi.
25 tamyzda Soltústik Qazaqstan oblysynda tuman túsedi. Soltústik-batystan soqqan jeldiń ekpini 15-20 m/s jetedi.
Erteń túnde jáne tańerteń Qostanaı oblysynyń keı jerlerinde tuman túsedi.
25 tamyzda Almaty oblysynda jáne oblys oratylyǵy - Taldyqorǵan qalasynda keı jerlerde naızaǵaı jarqyldaıdy. Ońtústik-batystan jel soǵady. Jel qarqyny naızaǵaı kezinde 15-20 m/s bolady. Kúndiz 35 gradýs qatty ystyq bolady.
25 tamyzda Aqmola oblysynyń keı jerlerinde kún kúrkireıdi. Túnde jáne tańerteń keı jerlerde tuman túsedi. Soltústik-shyǵystan soqqan jeldiń baǵyty soltústik-batysqa aýysady. Kúndiz jel jyldamdyǵy - 15-20 m/s.
Kókshetaý qalasynda túnde jáne tańerteń tuman túsedi.
