Naızaǵaı, tuman jáne úsik: 13 qyrkúıekte kún raıy qandaı bolady

NUR-SULTAN. QazAqparat – 13 qyrkúıekte elordada jáne Qazaqstannyń birqatar óńirinde naızaǵaı oınap, tuman túsedi, qatty jel turyp, 3 gradýsqa deıin úsik júredi, dep habarlaıdy QazAqparat «Qazgıdromet» RMK-ǵa silteme jasap.

13 qyrkúıekte Batys Qazaqstan oblysynyń batysynda naızaǵaı oınaıdy. Jel ońtústik-shyǵystan soǵady, oblystyń batysynda ekpini – 15-20 m/s.

Túnde jáne tańerteń Soltústik Qazaqstan oblysynyń soltústik-batysynda tuman túsedi. Túnde oblystyń soltústik-shyǵysynda topyraq betinde 3 gradýs úsik júredi.

13 qyrkúıekte túnde jáne tańerteń Qaraǵandy oblysynyń soltústiginde tuman túsedi. Túnde oblystyń soltústiginde, ortalyǵynda topyraq betinde 3 gradýs úsik júredi. Oblystyń ortalyǵynda joǵary órt qaýpi saqtalady. Qaraǵandy qalasynda túnde jáne tańerteń tuman túsedi. Túnde topyraq betinde 3 gradýs úsik kútiledi.

13 qyrkúıekte kúndiz Túrkistan oblysynyń taýly aýdandarynda, 14 qyrkúıekte táýlik boıy soltústiginde, batysynda, taýly aýdandarynda shyǵystan jel soǵady, kúshi – 15-20 m/s. Oblystyń basym bóliginde tótenshe órt qaýipi saqtalady.

Qyzylorda oblysynda jel soltústik-shyǵystan soǵady, kúndiz oblystyń ortalyǵynda kúshi 15-20 m/s-qa deıin jetedi. Oblysta jáne Qyzylorda qalasynda tótenshe órt qaýpi saqtalady.

Erteń kúndiz Aqtóbe oblysynda ońtústik-shyǵystan jel soǵady, oblystyń ońtústik-batysynda ekpini 18 m/s-qa deıin jetedi. Túnde oblystyń soltústiginde topyraq betinde 1 gradýs úsik júredi.

Seısenbi kúni kúndiz Atyraý oblysynyń ońtústiginde, shyǵysynda shańdy daýyl turady. Ońtústik-shyǵystan jel soǵady, túnde oblystyń batysynda, ońtústiginde, kúndiz basym bóliginde ekpini 15-20 m/s-qa deıin jetedi. Oblystyń batysynda tótenshe órt qaýpi saqtalady. Atyraý qalasynda ońtústik-shyǵystan jel soǵady, ekpini – 15-20 m/s.

Kúndiz Mańǵystaý oblysynyń batysynda, ońtústiginde shańdy daýyl turady. Ońtústik-shyǵystan jel soǵady, oblystyń batysynda, ońtústiginde – 15-20, ekpini – 23 m/s kútiledi. Aqtaý qalasynda kúndiz shańdy daýyl turady. Jel ońtústik-shyǵystan soǵady, kúndiz ekpini – 15-20 m/s.

13 qyrkúıekte Aqmola oblysynyń soltústik-batysynda túnde azdaǵan qar aralas jańbyr jaýady. Oblystyń soltústiginde, shyǵysynda túnde jáne tańerteń tuman túsedi. Túnde oblystyń soltústiginde, shyǵysynda 3 gradýs úsik júredi.

Nur-Sultan qalasynda 13 qyrkúıekte túnde topyraq betinde 1 gradýs úsik júredi.

13 qyrkúıekte túnde Shyǵys Qazaqstan oblysynyń shyǵysynda topyraq betinde 2 gradýs úsik júredi.

13 qyrkúıekte túnde Abaı oblysynyń batysynda topyraq betinde 2 gradýs úsik kútiledi.

Erteń Qostanaı oblysynyń soltústiginde, shyǵysynda naızaǵaı oınaıdy. Túnde jáne tańerteń oblystyń soltústiginde tuman túsedi. Túnde oblystyń soltústiginde topyraq betinde 3 gradýs úsik júredi. Oblystyń ońtústiginde joǵary órt qaýpi saqtalady.

13 qyrkúıekte túnde jáne tańerteń Pavlodar oblysyńda ońtústik-batysynda tuman túsedi. Oblystyń ońtústik-batysynda, shyǵysynda jáne pavlodar qalasynda túnde topyraq betindegi 3 gradýs úsik kútiledi.