Naızaǵaı, tuman, kóktaıǵaq: Senbige arnalǵan aýa raıy boljamy
NUR-SULTAN. QazAqparat - 2 qarashada Qazaqstannyń basym bóliginde aýa raıy qubylmaly bolady, dep habarlaıdy QazAqparat «Qazgıdromet» RMK baspasóz qyzmetine silteme jasap.
Qazaqstannyń basym bóliginde atmosferalyq fronttar ótedi, soǵan baılanysty turaqsyz aýa raıy saqtalady. Keı jerlerde jańbyr men qar jaýady. Keı jerlerde jel kúsheıip, tuman túsedi. Ońtústik-batysta jáne soltústikte kóktaıǵaq bolady. Soltústikte - jaıaý burqasyn, al ońtústik pen shyǵysta kún kúrkireıdi.
Soltústik Qazaqstan oblysynyń keı jerlerine tuman túsip, kóktaıǵaq bolady. Túnde jaıaý burqasyn kútiledi. Túnde óńirdiń basym bóliginde jel ekpini 15-20, 25 m/s jetedi. Kúndiz keı jerlerde jel sekýndyna 15-20 metr jyldamdyqpen esedi.
Shyǵys Qazaqstan, Qostanaı, Pavlodar, Aqmola, kúndiz Túrkistan, Qyzylorda oblystarynda jel qarqyny 15-20 m/s deıin kúsheıedi. Aqmola, Qostanaı, Shyǵys Qazaqstan oblystarynyń keı aýmaqtaryna tuman túsedi.
Mańǵystaý oblysynyń keı jerlerinde tuman túsip, kóktaıǵaq kútiledi. Kúndiz jel ekpini - 17-22 m/s.
Qaraǵandy, Jambyl, Batys Qazaqstan oblystarynyń keı jerlerinde tuman túsedi.
Almaty oblysynyń keı jerlerinde naızaǵaı jarqyldaıdy.
