Naızaǵaı, tuman, burshaq: Elimizdiń 9 óńirinde kún buzylady
NUR-SULTAN. QazAqparat – «Qazgıdromet» RMK eldiń 9 óńirine eskertý jarııalady, dep habarlaıdy QazAqparat tótenshe jaǵdaılar komıtetiniń baspasóz qyzmetine silteme jasap.
2 shildede Nur-Sultan qalasynda keı jerlerde kúndiz qatty jańbyr, burshaq jaýady, kún kúrkireıdi. Soltústik-shyǵystan soqqan jeldiń ekpini – 15-20 m/s. Eskertýdiń yqtımaldyǵy – 85-90%.
Búgin Aqmola oblysynda naızaǵaı oınap, qatty jańbyr, burshaq jaýýy múmkin. Keı jerlerde soltústik-shyǵystan 15-20 m/s jel soǵady. Eskertýdiń yqtımaldyǵy 85-90% quraıdy.
2 shildede Jambyl oblysynyń keı jerlerinde naızaǵaı oınap, daýyl soǵady. Ońtústik-batystan, batystan soǵatyn jeldiń jyldamdyǵy 15-20 m/s . Tańerteń jáne kúndiz oblystyń ońtústik-batysynda jeldiń ekpini 30 m/s jáne odan joǵary bolmaq. Eskertýdiń yqtımaldyǵy – 85-90%.
Búgin Qaraǵandy oblysynda jańbyr jaýyp, keı jerlerde qatty jaýmaq. Keı jerlerde naızaǵaı oınap, daýyl soǵyp, burshaq jaýady. Soltústik-shyǵystan, shyǵystan 15-20 m/s jyldamdyqpen jel soǵady, ekpini 23-28 m/s, kúndiz keı jerlerde 30 m/s jáne odan da joǵary bolady. Eskertýdiń yqtımaldyǵy – 85-90%.
2 shildede Shymkent qalasynda kún kúrkireıdi, 15-20 m/s jyldamdyqpen jel soǵady.
Búgin Qostanaı oblysynyń keı jerlerinde kún kúrkireıdi, túnde jáne tańerteń tuman túsedi, 15-20 m/s jel soǵady.
2 shildede Qyzylorda oblysynda naızaǵaı oınap, kún kúrkirep, daýyl soǵady, burshaq jaýady. 15-20 m/s jyldamdyqpen jel soǵady, ekpini – 23-28 m/s.
2 shildede Soltústik Qazaqstan oblysynda jańbyr, keı jerlerde ótkinshi jańbyr jaýady. Naızaǵaı oınap, daýyl soǵyp, burshaq jaýýy yqtımal. 15-20 m/s-qa deıin jel soǵady.
2 shildede Túrkistan oblysynyń keı jerlerinde kún kúrkireıdi, jeldiń ekpini 15-20 m/s, kúndiz 23-28 m/s.
Tótenshe jaǵdaılar komıteti azamattardy aýa raıynyń ózgerisine baqylaý jasaýǵa shaqyrady. Aýa raıyna qatysty eskertý habarlamalaryn elep, qajetti saqtyq sharalaryn saqtaýǵa keńes beredi.
