Naızaǵaı, tuman: 14 óńir men Astanada daýyldy eskertý jarııalandy

13 sáýir kúni Qazaqstannyń 14 oblysynda jáne elordada daýyldy eskertý jarııalandy. Bul týraly Qazgıdromet habarlaıdy.

Astanada kúndizgi ýaqytta soltústik-shyǵystan soǵatyn jeldiń ekpini 15–18 m/s-ke deıin jetedi.

Aımaqtardaǵy aýa raıy boljamy:

Shymkentte kúndiz naızaǵaı kútiledi. Soltústik-shyǵystan ońtústik-batysqa aýysatyn jeldiń ekpini 15–20 m/s.

Aqmola oblysynda túnde jańbyr men qar, kúndiz naızaǵaıly jańbyr, soltústik pen shyǵysta kúshti jańbyr men burshaq boljanady. Jel 15–20 m/s, túnde aýa temperatýrasy 0–5° jyly, batysynda -3° úsik, kúndiz 7–15° jyly.

Almaty oblysynda taýly aýdandarda jeldiń ekpini 15–20 m/s-ke jetedi.

Aqtóbe oblysynyń soltústiginde túnde jáne tańerteń tuman men -2° úsik kútiledi.

Jambyl oblysynda taýly aımaqtarda naızaǵaı, tuman, ekpindi jel 23–28 m/s deıin kútiledi.

Jetisý oblysynda shyǵysynda jeldiń kúshi 15–20 m/s bolady.

Batys Qazaqstan oblysynda túnde jáne tańerteń tuman, keı aımaqtarda -3° úsik bolýy múmkin.

Qaraǵandy oblysynda naızaǵaı men tuman kútiledi.

Qostanaı oblysynyń ońtústiginde kúndiz naızaǵaı, túnde tuman jáne batysynda -3° úsik boljanady.

Qyzylorda oblysynda naızaǵaı, shańdy daýyl men shkval kútiledi. Jel ekpini 15–20 m/s.

Mańǵystaý oblysynda túnde jáne tańerteń naızaǵaı men tuman bolady.

Pavlodar oblysynda kúndiz aýa temperatýrasy 12–17° jylyǵa deıin tómendeıdi.

Soltústik Qazaqstan oblysynda tuman, batysynda -3° úsik, jel ekpini 15–20 m/s.

Túrkistan oblysynda naızaǵaı men ekpindi jel (23 m/s) kútiledi.

Ulytaý oblysynyń soltústiginde kúshti jańbyr men burshaq, túnde naızaǵaı, tuman, jel 16 m/s bolady.

Aýa raıyna baılanysty qaýipsizdik sharalaryn saqtaý usynylady. Qaýipti meteojaǵdaılar kezinde qajetsiz jerge shyqpaǵan jón.