Naızaǵaı soqqan jolaýshylar ushaǵy Nıý-Iorkke shuǵyl qondy
ASTANA. QazAqparat - «American Airlines» avıakompanııasynyń jolaýshylar ushaǵy naızaǵaı soǵyp, Nıý-Iorkke shuǵyl qonýyna týra keldi. Bul týraly AQSh Federaldyq avıatsııalyq basqarmasynyń resmı ókilderi málimdedi, dep habarlady TASS.
BAQ derekterine súıensek, ushaq bortynda 55 jolaýshy, 4 ekıpaj múshesi bolǵan «Embraer 170» áýe kemesi Soltústik Karolınadan Nıý-Iorkke bet alǵan. Bastapqyda ushaq La-Gýardıa áýejaıyna qonady dep josparlanǵan. Alaıda, oqıǵa saldarynan ol Djon Kennedı atyndaǵy áýe aılaǵyna qonýǵa májbúr boldy. Eki áýejaı arasyndaǵy qashyqtyq 13 shaqyrymdaı.
Aldyn ala derekter boıynsha, qonǵan kezde eshkim zardap shekken joq. Naızaǵaı soqqan kezde de eshkim jaraqat almady. Jolaýshylardyń biri jýrnalısterge naızaǵaı soqqan kezde salondaǵy adamdar jarylysqa uqsas qatty dybys estigenderin aıtty. Tergeý jumystary bastaldy.
