Naızaǵaı, shańdy daýyl jáne 42 gradýsqa deıingi aptap ystyq: 17 óńirde eskertý jarııalandy

Abaı oblysynda túnde óńirdiń batysynda, soltústiginde jáne ortalyǵynda jańbyr jaýyp, naızaǵaı oınaıdy. Kúndiz soltústik, shyǵys jáne ortalyq aýdandarda jańbyr, naızaǵaı, burshaq jáne daýyl kútiledi. Ońtústik, ońtústik-batystan soǵatyn jeldiń jyldamdyǵy 15–20 m/s, kúndiz ekpini 23 m/s-qa jetedi. Aýa temperatýrasy 35–38 gradýsqa deıin kóteriledi. Óńirdiń shyǵysynda, ońtústiginde jáne ortalyǵynda joǵary órt qaýpi, soltústik-shyǵysynda tótenshe órt qaýpi saqtalady. Semeıde tańerteń jáne kúndiz jańbyr men naızaǵaı boljanady. Jel ekpini 15–20 m/s-qa deıin jetedi. Kúndiz 35–37 gradýs ystyq bolady.

Aqmola oblysynda túnde soltústik jáne shyǵys aýdandarda jańbyr men naızaǵaı kútiledi. Kúndiz óńirdiń batysynda, soltústiginde jáne shyǵysynda jańbyr, naızaǵaı, burshaq jáne daýyl bolady. Jeldiń ekpini 15–20 m/s. Batysta tótenshe, ońtústigi men soltústiginde joǵary órt qaýpi saqtalady. Kókshetaýda kúndiz ótkinshi jańbyr jaýyp, naızaǵaı oınaıdy.

Aqtóbe oblysynda túnde soltústik jáne shyǵys aýdandarda ótkinshi jańbyr men naızaǵaı bolady. Kúndiz oblystyń soltústiginde, ońtústiginde jáne shyǵysynda jańbyr, naızaǵaı, burshaq jáne daýyl kútiledi. Jeldiń ekpini 15–20 m/s. Oblys boıynsha tótenshe órt qaýpi saqtalady. Aqtóbede kúndiz jańbyr, naızaǵaı, burshaq jáne daýyl boljanady.

Almaty oblysynyń ońtústiginde kúndiz ótkinshi jańbyr jaýyp, naızaǵaı oınaıdy. Taýly aýdandarda da qysqa merzimdi jańbyr kútiledi. Jeldiń ekpini 15–20 m/s. Óńirdiń soltústigi, batysy jáne ońtústiginde tótenshe, shyǵysynda joǵary órt qaýpi saqtalady. Almatyda keshke qaraı ótkinshi jańbyr men naızaǵaı bolady. Іle Alataýynyń taýly bólikterinde kúndiz jańbyr men naızaǵaı kútiledi. Oblystyń soltústigi men ortalyǵynda, sondaı-aq Qonaevta kúndiz aýa temperatýrasy 40–42 gradýsqa deıin kóteriledi.

Atyraý oblysynyń soltústiginde, shyǵysynda jáne ońtústiginde kúndiz shańdy daýyl soǵady. Jeldiń ekpini 15–18 m/s. Aýa temperatýrasy 35–38 gradýsqa deıin ysıdy. Óńirde tótenshe órt qaýpi saqtalady. Atyraý qalasynda da shańdy daýyl kútiledi.

Shyǵys Qazaqstan oblysynyń batysynda, soltústiginde jáne shyǵysynda jańbyr, naızaǵaı, burshaq jáne daýyl bolady. Jeldiń ekpini 15–20 m/s. Kúndiz aýa temperatýrasy 35–39 gradýsqa deıin kóteriledi. Oblystyń ońtústiginde tótenshe órt qaýpi saqtalady. Óskemende tańerteń jáne kúndiz jańbyr men naızaǵaı kútiledi.

Jambyl oblysynda kúndiz jeldiń ekpini 15–20 m/s-qa jetedi. Aýa temperatýrasy 38 gradýsqa deıin kóteriledi. Óńirde tótenshe órt qaýpi saqtalady, shyǵys jáne ońtústik aýdandarda joǵary órt qaýpi bar. Tarazda tótenshe órt qaýpi saqtalady.

Jetisý oblysynyń taýly aýdandarynda kúndiz ótkinshi jańbyr jaýyp, naızaǵaı oınaıdy. Jeldiń ekpini 15–20 m/s. Aýa temperatýrasy 35–39 gradýsqa deıin kóteriledi. Soltústik, shyǵys jáne ortalyq aýdandarda tótenshe, ońtústiginde joǵary órt qaýpi saqtalady. Taldyqorǵanda kúndiz 37–39 gradýs ystyq bolady.

Batys Qazaqstan oblysynda soltústik-batystan jáne soltústikten soǵatyn jeldiń ekpini kúndiz 15–20 m/s-qa jetedi. Óńirdiń batysy men ońtústiginde tótenshe, qalǵan bóliginde joǵary órt qaýpi saqtalady.

Qaraǵandy oblysynda túnde batys, soltústik jáne shyǵys aýdandarda jańbyr jaýyp, naızaǵaı oınaıdy. Kúndiz shyǵysynda jańbyr men naızaǵaı kútiledi. Jeldiń ekpini 15–20 m/s. Shyǵys jáne ońtústik aýdandarda tótenshe, batysy, soltústigi men ortalyǵynda joǵary órt qaýpi saqtalady. Qaraǵandyda túnde jańbyr men naızaǵaı bolady.

Qostanaı oblysynda túnde oblystyń batysynda, soltústiginde jáne shyǵysynda jańbyr jaýyp, naızaǵaı oınaıdy, keı jerlerde nóser jańbyr kútiledi. Kúndiz jańbyr, naızaǵaı, burshaq jáne daýyl bolady. Jeldiń ekpini 15–20 m/s. Batysy, shyǵysy jáne ortalyǵynda joǵary, ońtústigi men ońtústik-shyǵysynda tótenshe órt qaýpi saqtalady. Qostanaıda jańbyr jaýyp, naızaǵaı oınap, kúndiz burshaq túsýi múmkin.

Qyzylorda oblysynyń soltústigi men ortalyǵynda kúndiz jańbyr, naızaǵaı, daýyl jáne shańdy daýyl kútiledi. Jeldiń ekpini 15–20 m/s. Óńirde tótenshe órt qaýpi saqtalady. Qyzylorda qalasynda da tótenshe órt qaýpi saqtalady.

Mańǵystaý oblysynyń soltústiginde kúndiz shańdy daýyl soǵady. Jeldiń ekpini 15–18 m/s. Batysy men soltústiginde joǵary, soltústik-shyǵysy men ortalyǵynda tótenshe órt qaýpi saqtalady. Aqtaýda joǵary órt qaýpi saqtalady.

Pavlodar oblysynda jańbyr jaýyp, naızaǵaı oınaıdy. Kúndiz soltústik jáne shyǵys aýdandarda nóser jańbyr, burshaq jáne daýyl kútiledi. Jeldiń ekpini 15–20 m/s, shyǵysynda 25 m/s-qa deıin jetedi. Aýa temperatýrasy 35–37 gradýs bolady. Pavlodarda kúndiz jańbyr, naızaǵaı, burshaq jáne daýyl boljanady.

Soltústik Qazaqstan oblysynda túnde batysy men shyǵysynda jańbyr jaýyp, naızaǵaı oınaıdy. Kúndiz ońtústik jáne shyǵys aýdandarda jańbyr, naızaǵaı, burshaq jáne daýyl kútiledi. Túnde jáne tańerteń oblystyń soltústigi men shyǵysynda tuman túsedi. Jeldiń ekpini 15–23 m/s. Oblystyń ońtústik-batysynda joǵary órt qaýpi saqtalady. Petropavlda kúndiz jańbyr men naızaǵaı, túnde jáne tańerteń tuman kútiledi.

Túrkistan oblysynyń batysy men soltústiginde kúndiz shańdy daýyl bolady. Jeldiń ekpini 15–20 m/s. Aýa temperatýrasy 40 gradýsqa deıin kóteriledi. Óńirde tótenshe órt qaýpi saqtalady, soltústik jáne shyǵys aýdandarda joǵary órt qaýpi bar. Shymkentte joǵary, Túrkistan qalasynda tótenshe órt qaýpi saqtalady.

Ulytaý oblysynyń soltústigi men shyǵysynda kúndiz jańbyr jaýyp, naızaǵaı oınaıdy. Jeldiń ekpini 15–20 m/s. Ońtústikte aýa temperatýrasy 35 gradýsqa deıin kóteriledi. Óńirdiń ońtústigi men shyǵysynda tótenshe, qalǵan bóliginde joǵary órt qaýpi saqtalady. Jezqazǵanda jeldiń ekpini 15 m/s-qa deıin jetip, joǵary órt qaýpi saqtalady.

Osyǵan deıinAqmola oblysynda 230 gektar aýmaqty sharpyǵan birneshe órt sóndirilgeni týraly jazdyq.