Naızaǵaı, shańdy daýyl, 41 gradýs ystyq - Qazgıdromet kún raıyna baılanysty eskertý jasady
ASTANA. KAZINFORM – Qazgıdromet 16 shildede Qazaqstannyń barlyq óńiri boıynsha aýa raıyna baılanysty eskertý jarııalady.
16 shildede Astanada kúndiz ótkinshi jańbyr jaýyp, naızaǵaı oınaıdy, ekpindi jel soǵady. Ońtústik-batystan, batystan soǵatyn jeldiń ekpini sekýndyna 15-20 metrge jetedi. Órt qaýpi joǵary.
Aqmola oblysynyń batysynda, soltústiginde jáne ońtústiginde túnde jańbyr jaýyp, naızaǵaı bolady. Kúndiz óńirdiń soltústigi, ortalyǵy men shyǵysynda nóser jańbyr, burshaq, ekpindi jel kútiledi. Batysynda, soltústiginde jáne ońtústiginde shańdy daýyl soǵady. Jeldiń ekpini keı jerlerde sekýndyna 25 metrge deıin jetedi. Kúndiz aýa temperatýrasy 35 gradýsqa deıin kóteriledi. Órt qaýpi joǵary bolady.
Ulytaý oblysynyń batysy men soltústiginde jańbyr jaýyp, naızaǵaı bolady, shyǵysynda ótkinshi jańbyr kútiledi. Jeldiń ekpini sekýndyna 23-28 metrge deıin jetedi. Óńirde órt qaýpi joǵary. Kúndiz aptap ystyq 40-41 gradýsqa deıin kóteriledi.
Qaraǵandy oblysynyń batysy men soltústiginde jańbyr jaýyp, naızaǵaı bolady, shyǵysynda ótkinshi jańbyr kútiledi. Jeldiń ekpini sekýndyna 23 metrge deıin kúsheıedi. Kúndiz aýa temperatýrasy 35 gradýsqa deıin ysıdy. Órt qaýpi joǵary, oblystyń batysy men soltústiginde tótenshe órt qaýpi saqtalady.
Túrkistan oblysynyń soltústigi men taýly aýdandarynda soltústik-batystan soǵatyn jeldiń ekpini sekýndyna 15-20 metrge jetedi. Óńirdiń basym bóliginde tótenshe órt qaýpi saqtalady, ońtústik-shyǵysynda órt qaýpi joǵary.
Batys Qazaqstan oblysynyń batysynda, soltústiginde jáne shyǵysynda jańbyr jaýyp, naızaǵaı oınaıdy. Kúndiz burshaq túsip, ekpindi jel soǵady. Ońtústikte aýa temperatýrasy 35 gradýsqa deıin kóteriledi. Oblystyń batysynda órt qaýpi joǵary.
Pavlodar oblysynyń batysynda, soltústiginde jáne ońtústiginde jańbyr jaýyp, naızaǵaı bolady. Kúndiz burshaq túsip, ekpindi jel soǵady. Aýa temperatýrasy 35 gradýsqa deıin kóteriledi, órt qaýpi joǵary, ońtústik-shyǵysynda tótenshe órt qaýpi saqtalady.
Almaty oblysynda kúndiz 35-38 gradýsqa deıin aptap ystyq bolady. Óńirdiń soltústiginde tótenshe órt qaýpi, qalǵan bóliginde órt qaýpi joǵary.
Jetisý oblysynyń taýly aýdandarynda ótkinshi jańbyr jaýyp, naızaǵaı oınaıdy. Shyǵysynda jeldiń ekpini sekýndyna 15-20 metrge jetedi.
Mańǵystaý oblysynyń batysy men soltústiginde ótkinshi jańbyr jaýyp, naızaǵaı bolady. Kúndiz soltústiginde, ońtústiginde jáne ortalyǵynda shańdy daýyl turady
Jeldiń ekpini sekýndyna 15-20 metrge deıin kúsheıedi. Soltústiginde, shyǵysynda jáne ortalyǵynda órt qaýpi joǵary.
Atyraý oblysynyń batysynda, soltústiginde jáne shyǵysynda azdaǵan jańbyr jaýyp, naızaǵaı bolady. Batysy men ońtústik-shyǵysynda órt qaýpi joǵary.
Shyǵys Qazaqstan oblysynyń batysynda, soltústiginde jáne shyǵysynda ótkinshi jańbyr jaýyp, naızaǵaı oınaıdy. Kúndiz burshaq túsip, ekpindi jel soǵady. Jeldiń ekpini sekýndyna 25 metrge deıin jetedi. Órt qaýpi joǵary, oblystyń soltústik-batysynda, ońtústik-shyǵysynda jáne ortalyǵynda tótenshe órt qaýpi saqtalady.
Abaı oblysynyń batysynda jáne soltústiginde túnde jańbyr jaýyp, naızaǵaı bolady. Kúndiz oblystyń batysynda, soltústiginde jáne ortalyǵynda ótkinshi jańbyr, naızaǵaı, burshaq jáne ekpindi jel kútiledi. Jeldiń ekpini sekýndyna 23-28 metrge deıin jetedi. Órt qaýpi joǵary, soltústigi men ońtústik-shyǵysynda tótenshe órt qaýpi saqtalady.
Qostanaı oblysynyń batysynda, soltústiginde jáne shyǵysynda jańbyr jaýyp, naızaǵaı bolady. Keı jerlerde nóser jańbyr jaýyp, burshaq túsedi, ekpindi jel soǵady. Túnde jáne tańerteń tuman túsedi. Ońtústikte shań kóteriledi. Kúndiz aýa temperatýrasy 35 gradýsqa deıin jetedi. Órt qaýpi joǵary, ońtústiginde tótenshe órt qaýpi jarııalanǵan.
Qyzylorda oblysynyń ortalyǵynda shańdy daýyl soǵady. Jeldiń ekpini sekýndyna 15-20 metrge deıin jetedi. Óńirde tótenshe órt qaýpi saqtalady, batysynda órt qaýpi joǵary.
Soltústik Qazaqstan oblysynda jańbyr jaýyp, naızaǵaı bolady. Batysy men soltústiginde nóser jańbyr kútiledi. Kúndiz batysynda, soltústiginde jáne ońtústiginde burshaq túsip, ekpindi jel soǵady. Túnde jáne tańerteń shyǵysynda tuman túsedi. Jeldiń ekpini sekýndyna 23-28 metrge deıin kúsheıedi. Oblystyń ońtústik-shyǵysynda órt qaýpi joǵary.
Aqtóbe oblysynyń ońtústigi men shyǵysynda ótkinshi jańbyr jaýyp, naızaǵaı bolady. Jeldiń ekpini keı jerlerde sekýndyna 23 metrge deıin jetedi. Kúndiz ońtústikte aýa temperatýrasy 36 gradýsqa deıin kóteriledi. Órt qaýpi joǵary, ońtústik-shyǵysynda tótenshe órt qaýpi kútiledi.
Jambyl oblysynyń taýly aýdandarynda soltústik-batystan soǵatyn jeldiń ekpini sekýndyna 15-20 metrge jetedi. Óńirde órt qaýpi joǵary, batysy men soltústiginde tótenshe órt qaýpi saqtalady, shyǵysynda tótenshe órt qaýpi jarııalandy.
Osyǵan deıin Qytaı aptap ystyqpen «jasandy jańbyr» arqyly kúresip jatqany týraly jazdyq.
