Naızaǵaı razrıady sebep bolǵan: búgin elimizde úsh orman órtendi
ASTANA.KAZINFORM – Búgin, 27 maýsymda Qazaqstan memlekettik orman qory aýmaǵynda 3 orman órti tirkeldi. Bul týraly Ekologııa mınıstrligi habarlady.
Óńirler boıynsha:
• Qaraǵandy oblysy — 1 órt;
• «Semeı ormany» memlekettik orman tabıǵı rezervaty — 2 órt.
Barlyq órt oshaǵy orman kúzeti qyzmetkerleriniń jáne jumyldyrylǵan qyzmetterdiń ózara is-qımylynyń arqasynda der kezinde anyqtalyp, jedel túrde sóndirildi.
Órttiń shyǵýyna negizinen naızaǵaı razrıadtary sebep boldy.
- Órt qaýipti kezeńde azamattardy órt qaýipsizdigi qaǵıdalaryn saqtaýǵa jáne elimizdiń orman baılyǵyna uqypty qaraýǵa shaqyramyz. Ormandy birge saqtaıyq! – delingen habarlamada.
Bıyl memlekettik orman qorynda 0,41 gektar aýmaqty qamtyǵan 3 órt tirkelgenin jazǵan edik.
