Naızaǵaı oınap, jańbyr jaýady: 26 shildege arnalǵan aýa raıy boljamy
ASTANA. KAZINFORM — «Qazgıdromet» RMK 26 shildege arnalǵan aýa raıy boljamyn usyndy.
Sınoptıkterdiń boljamynsha, soltústik-batys tsıklony jáne onymen baılanysty atmosferalyq frontaldy bólimderiniń áserinen Qazaqstan aýmaǵynyń basym bóliginde naızaǵaı oınap, jańbyr jaýady.
— Sonymen qatar soltústik-batysynda, soltústiginde, kúndiz eldiń ortalyǵynda qatty jańbyr kútiledi, jekelegen aýdandarda daýyl men burshaq jaýýy múmkin. Tek Qazaqstannyń ońtústiginde, shyǵysynda jáne ońtústik-shyǵysynda antıtsıklon sileminiń áserinen jaýyn-shashynsyz aýa raıy saqtalady. Respýblıka boıynsha jel kúsheıedi, elimizdiń ońtústik-batysynda, ońtústiginde shańdy daýyl kútiledi. Al soltústik-batysta túngi jáne tańerteńgi saǵattarda tuman túsedi, — delingen habarlamada.
Kúndiz Jetisý oblysynda 35-39 gradýs, Almaty oblysynda 35-39 gradýs, Jambyl oblysynda 38-40 gradýs, Túrkistan oblysynda 40-41 gradýs, Abaı oblysynda jáne Shyǵys Qazaqstan oblysynda 35-38 gradýs qatty ystyq kútiledi.
Kúndiz Jetisý oblysynyń soltústik-batysynda, ortalyǵynda 40-42 gradýs, Almaty oblysynyń batysynda, soltústiginde 42 gradýs, kúndiz Abaı oblysynyń ońtústiginde 41 gradýs qatty ystyq bolady.
Sondaı-aq Shyǵys Qazaqstan oblysynda, Abaı oblysynda, Qostanaı oblysynyń batysynda, shyǵysynda, Soltústik Qazaqstan oblysynyń batysynda, Aqmola oblysynyń shyǵysynda, Pavlodar oblysynyń batysynda, ońtústiginde, shyǵysynda, Aqtóbe oblysynyń soltústik-batysynda joǵary órt qaýpi kútiledi.
Budan bólek Mańǵystaý, Qyzylorda, Túrkistan, Almaty, Jambyl, Qaraǵandy, Jetisý oblystarynda, Ulytaý oblysynyń ońtústiginde, shyǵysynda, Atyraý oblysynyń soltústiginde, shyǵysynda, Aqtóbe oblysynyń ońtústiginde, shyǵysynda, Batys Qazaqstan oblysynyń shyǵysynda, Qostanaı, Aqmola oblystarynyń ońtústiginde, Abaı oblysynyń soltústik-batysynda, ońtústiginde, ortalyǵynda, Shyǵys Qazaqstan oblysynyń ońtústiginde tótenshe órt qaýpi kútiledi.
Osydan buryn soltústik-batys tsıklon jáne onymen baılanysty atmosferalyq frontaldi bólikter elimizdiń basym bóliginde jańbyr men naızaǵaı ákeletini anyqtaldy.