Naızaǵaı oınap, jańbyr, keı jerlerde burshaq jaýady - Qazgıdromet

ASTANA. KAZINFORM – «Qazgıdromet» RMK-sy shildeniń 5-i kúngi kún raıy boljamyn jarııalady.

Kásiporynnyń derekterine qaraǵanda, antıtsıklon jotasynyń yqpalymen Qazaqstannyń batysy men ońtústiginde kún jaýyn-shashynsyz bolady.

Eldiń qalǵan bóliginde tsıklon jáne onymen baılanysty atmosferalyq frontaldy bólikterdiń saldarynan kún qubylmaly bolady, naızaǵaı oınap, jańbyr jaýady, elimizdiń soltústigi, shyǵysy men ortalyǵynda nóser jaýyn jaýady, jekelegen aýdandarda burshaq jaýady. Respýblıka boıynsha jel kúsheıip, ońtústikte shańdy daýyl turady, eldiń soltústik-batysy men soltústiginde túngi jáne tańǵy saǵattarda tuman túsedi.

Mańǵystaý oblysynda, Atyraýdyń oblysynyń ońtústiginde, batysynda, Aqmola oblysynyń batysynda, Shyǵys Qazaqstan oblystarynyń ońtústiginde, Aqtóbe oblysynyń ońtústiginde, ońtústik-shyǵysynda, Ulytaý oblysynyń ortalyǵynda órt qaýpi joǵary bolady.

Almaty, Jambyl, Qyzylorda, Túrkistan, Jetisý oblystarynda, Qaraǵandy, Ulytaý oblystarynyń batysynda, shyǵysynda, ońtústiginde, Aqtóbe oblysynyń ortalyǵynda, Mańǵystaýdyń soltústik-batysynda, Qostanaı oblysynyń ońtústik-batysynda, Abaı oblysynyń ońtústiginde tótenshe órt qaýpi saqtalady.

Osyǵan deıin aptap ystyqta basqa kún ótýden qalaı saqtaný kerektigi týraly jazdyq.