Naızaǵaı oınap, daýyl turady: 8 qyrkúıekke arnalǵan aýa raıy boljamy

ASTANA. KAZINFORM - Qazgıdromet 8 qyrkúıekte aýa raıyna baılanysty elimizdiń birqatar óńirinde daýyldy eskertý jarııalady.

Sınoptıkterdiń boljamy boıynsha, Túrkistan oblysynyń soltústiginde shańdy daýyl turady. Tańerteń jáne kúndiz oblystyń soltústiginde, batysynda, taýly aýdandarynda batystan, soltústik-batystan jel soǵady, ekpini - 15-20 m/s. Oblysta tótenshe órt qaýpi saqtalady. Shymkentte 8 qyrkúıekte batystan, soltústik-batystan jel soǵady, kúndizgi ekpini - 15-20 m/s. Tótenshe órt qaýpi saqtalady. Túrkistanda 8 qyrkúıekte batystan, soltústik-batystan jel soǵady, kúndizgi ekpini - 15-20 m/s. Tótenshe órt qaýpi saqtalady.

Ulytaý oblysynda naızaǵaı oınap, oblystyń shyǵysynda, ońtústiginde daýyl turady. Oblystyń shyǵysynda, ońtústiginde soltústik-batystan, batystan soqqan jeldiń ekpini 15-20 m/s. Oblystyń soltústiginde, ońtústiginde joǵary órt qaýpi, oblystyń shyǵysynda, ortalyǵynda tótenshe órt qaýpi saqtalady. Jezqazǵanda 8 qyrkúıekte kúndiz naızaǵaı oınap, joǵary órt qaýpi saqtalady.

Qaraǵandy oblysynyń batysynda, soltústiginde, shyǵysynda naızaǵaı oınap, daýyl turady. Kúndiz oblystyń batysynda, shyǵysynda, ońtústiginde soltústik-batystan, batystan jel soǵady, ekpini - 15-20 m/s. Oblystyń batysynda, soltústiginde joǵary órt qaýpi, oblystyń ońtústiginde tótenshe órt qaýpi saqtalady. Qaraǵandyda 8 qyrkúıekte tústen keıin naızaǵaı oınap, kún raıy buzylady.

Astanada 8 qyrkúıekte keı ýaqytta naızaǵaı oınap, burshaq túsedi, daýyl turady. Soltústik-shyǵystan soqqan jeldiń kúndizgi ekpini - 15-20 m/s. Joǵary órt qaýpi saqtalady.

Aqmola oblysynyń soltústiginde, shyǵysynda nóser jańbyr jaýady, burshaq túsedi, daýyl turady, naızaǵaı oınaıdy dep boljanady. Túnde jáne tańerteń oblystyń batysynda tuman túsedi. Oblystyń batysynda, soltústiginde, shyǵysynda soltústik-shyǵystan soqqan jeldiń ekpini 15-20 m/s, kúndiz keı tustarda 23 m/s deıin jetedi. Oblystyń batysynda, ońtústiginde, ortalyǵynda joǵary órt qaýpi saqtalady. Kókshetaýda 8 qyrkúıekte túnde jáne tańerteń naızaǵaı oınap, kún raıy buzylady.

Abaı oblysynyń soltústiginde naızaǵaı oınap, oblystyń batysynda, soltústiginde, ortalyǵynda burshaq túsedi, daýyl turady. Kúndiz oblystyń batysynda, soltústiginde, ortalyǵynda ońtústik-shyǵystan ońtústik-batysqa oıysa soqqan jeldiń ekpini 15-20 m/s, kúndiz keı tustarda 23-28 m/s deıin jetedi. Semeıde 8 qyrkúıekte kúndiz naızaǵaı oınap, tańerteń jáne kúndiz ońtústik-shyǵystan ońtústik-batysqa oıysa jel soǵady, ekpini - 15-20 m/s.

Shyǵys Qazaqstan oblysynda naızaǵaı oınap, oblystyń soltústiginde, shyǵysynda burshaq túsedi, daýyl turady, túnde jáne tańerteń soltústiginde, shyǵysynda tuman túsedi. Kúndiz oblystyń batysynda, soltústiginde, shyǵysynda shyǵystan ońtústik-batysqa oıysa soqqan jeldiń ekpini 15-20 m/s, kúndiz keı tustarda 25 m/s deıin jetedi. Oblystyń ońtústiginde joǵary órt qaýpi saqtalady. Óskemende 8 qyrkúıekte kúndiz naızaǵaı oınap, shyǵystan ońtústik-batysqa oıysa jel soǵady, kúndizgi ekpini - 15-20 m/s.

Qyzylorda oblysynyń soltústiginde naızaǵaı oınap, kúndiz oblystyń ortalyǵynda, shyǵysynda shańdy daýyl turady. Kúndiz oblystyń ortalyǵynda, shyǵysynda batystan, soltústik-batystan jel soǵady, ekpini - 15-20 m/s. Tótenshe órt qaýpi saqtalady. Qyzylordada 8 qyrkúıekte kúndiz shańdy daýyl turady, batystan, soltústik-batystan jel soǵady, kúndizgi ekpini - 15-20 m/s. Tótenshe órt qaýpi saqtalady.

Atyraý oblysynyń basym bóliginde tótenshe órt qaýpi, oblystyń batysynda joǵary órt qaýpi saqtalady. Atyraýda 8 qyrkúıekte tótenshe órt qaýpi saqtalady.

Aqtóbe oblysynyń ońtústiginde, shyǵysynda naızaǵaı oınaıdy. Oblystyń soltústiginde, shyǵysynda soltústik-shyǵystan jel soǵady, ekpini - 15-20 m/s. Oblystyń batysynda, soltústik-shyǵysynda boıynsha joǵary órt qaýpi, oblystyń ońtústiginde, shyǵysynda, ortalyǵynda tótenshe órt qaýpi saqtalady.

Jetisý oblysynyń soltústiginde, shyǵysynda, ortalyǵynda, taýly aýdandarynda naızaǵaı oınap, batystan soqqan jeldiń ekpini 15-20 m/s bolady dep kútiledi. Taldyqorǵanda 8 qyrkúıekte kúndiz naızaǵaı oınap, kún raıy buzylady.

Túnde jáne tańerteń Mańǵystaý oblysynyń ońtústiginde tuman túsedi. Oblys boıynsha tótenshe órt qaýpi saqtalady. Aqtaýda 8 qyrkúıekte tótenshe órt qaýpi saqtalady.

Túnde Pavlodar oblysynyń batysynda keı ýaqytta nóser jańbyr jaýady, oblystyń batysynda, ońtústiginde, shyǵysynda naızaǵaı oınap, kúndiz oblystyń ońtústiginde, shyǵysynda burshaq túsedi. Oblystyń batysynda, ońtústiginde, shyǵysynda soltústik-shyǵystan jel soǵady, ekpini - 15-20 m/s. Pavlodarda 8 qyrkúıekte naızaǵaı oınap, kún raıy buzylady.

Túnde Qostanaı oblysynyń ońtústiginde, shyǵysynda naızaǵaı oınap, túnde jáne tańerteń oblystyń batysynda, soltústiginde tuman túsedi. Oblystyń ońtústiginde, shyǵysynda soltústikten, soltústik-shyǵystan jel soǵady, ekpini - 15-20 m/s. Oblystyń ońtústik-batysynda tótenshe órt qaýpi, oblystyń batysynda, ońtústik-shyǵysynda, soltústik-shyǵysynda joǵary órt qaýpi saqtalady.

Kúndiz Almaty oblysynyń taýly aýdandarynda naızaǵaı oınaıdy. Batystan jel soǵady, kúndiz oblystyń taýly aýdandarynda soqqan jeldiń ekpini 15-20 m/s.

Jambyl oblysynyń taýly aýdandarynda naızaǵaı oınaıdy. Kúndiz oblystyń ońtústik-batysynda, soltústik-shyǵysynda, taýly aýdandarynda soltústik-batystan soqqan jeldiń ekpini 15-20 m/s. Oblys boıynsha tótenshe órt qaýpi saqtalady. Tarazda 8 qyrkúıekte ońtústik-batystan jel soǵady, kúndizgi ekpini - 15-20 m/s. Tótenshe órt qaýpi saqtalady.

Soltústik Qazaqstan oblysynyń ońtústiginde, shyǵysynda naızaǵaı oınap, túnde jáne tańerteń oblystyń batysynda, soltústiginde tuman túsedi. Oblystyń ońtústiginde, shyǵysynda soltústik-shyǵystan jel soǵady, ekpini - 15-20 m/s.

Aıta keteıik, qazaqstandyqtar Aıdyń eń uzaq, tolyq tutylýyna kýá boldy.