Naızaǵaı, nóser jáne ekpindi jel: 16 óńirdiń turǵyndaryna eskertý jarııalandy
ASTANA. KAZINFORM — 25 tamyzda Qazaqstannyń 16 oblysynda aýa raıyna baılanysty eskertý jasaldy, dep habarlaıdy «Qazgıdromet» RMK baspasóz qyzmeti.
Almatyda ótkinshi jańbyr jaýady, keı ýaqytta naızaǵaı oınaıdy. Soltústik-batystan jel soǵyp, ekpini sekýndyna 18 metrge deıin jetedi. Óńirde tótenshe órt qaýpi saqtalady.
Shymkentte soltústik-shyǵystan jel soǵyp, kúndiz onyń ekpini sekýndyna 15-20 metrge jetedi. Bul jaqta da tótenshe órt qaýpi saqtalady.
Abaı oblysynda jańbyr jaýyp, naızaǵaı oınaıdy. Oblystyń soltústiginde, ońtústiginde jáne ortalyǵynda qatty jańbyr jaýyp, kúndiz burshaq jaýyp, daýyldy jel soǵýy múmkin. Túnde jáne tańerteń oblystyń soltústiginde tuman túsedi. Jel ońtústik-batystan soltústik-batysqa aýysyp, soltústik, ońtústik jáne ortalyq aýdandarda sekýndyna 15-20 metr, kúndiz ekpini 23-28 metrge deıin jetedi. Oblystyń ońtústiginde tótenshe órt qaýpi saqtalady.
Atyraý oblysynyń soltústigi men shyǵysynda kúndiz shańdy daýyl kútiledi. Jel ońtústik-shyǵystan soltústik-batysqa aýysyp, kúndiz oblystyń soltústigi men shyǵysynda ekpini sekýndyna 15-18 metrge jetedi. Kúndiz aptap ystyq bolyp, aýa temperatýrasy 35-38 gradýsqa deıin kóteriledi. Oblysta tótenshe órt qaýpi saqtalady.
Almaty oblysynda túnde jańbyr jaýady. Taýly jáne taý bókterindegi aýdandarda keı ýaqytta qatty jańbyr jaýady. Kúndiz oblystyń ońtústiginde ótkinshi jańbyr, al taýly jáne taý bókterindegi aýdandarda jańbyr, keı ýaqytta ótkinshi jańbyr kútiledi. Oblystyń batysynda, ońtústiginde jáne taýly aýdandarynda naızaǵaı oınap, burshaq jaýýy múmkin. Jel soltústik-batystan soǵyp, soltústikte, ońtústikte jáne taýly aýdandarda ekpini sekýndyna 18-23 metrge jetedi. Ortalyqta, batysta jáne ońtústikte tótenshe órt qaýpi, shyǵysta joǵary órt qaýpi saqtalady.
Aqtóbe oblysynda kúndiz aptap ystyq bolyp, aýa temperatýrasy 35-36 gradýsqa deıin kóteriledi. Oblystyń ortalyǵy men soltústik-shyǵysynda joǵary órt qaýpi, jalpy oblys boıynsha tótenshe órt qaýpi saqtalady.
Aqmola oblysynyń soltústiginde, ońtústiginde jáne shyǵysynda jańbyr jaýyp, naızaǵaı oınaıdy. Túnde jáne tańerteń oblystyń batysynda, soltústiginde jáne shyǵysynda tuman túsedi.
Shyǵys Qazaqstan oblysynda jańbyr jaýyp, naızaǵaı oınaıdy. Soltústiginde, shyǵysynda jáne taýly aýdandarynda qatty jańbyr jaýyp, kúndiz burshaq jaýyp, daýyldy jel soǵýy múmkin. Túnde jáne tańerteń oblystyń soltústiginde tuman túsedi. Jel ońtústik-shyǵystan ońtústik-batysqa aýysyp, soltústikte, shyǵysta jáne ońtústikte sekýndyna 15-20 metr, kúndiz ekpini 25 metrge deıin jetedi. Soltústik-batysta joǵary órt qaýpi, ońtústikte tótenshe órt qaýpi saqtalady.
Jambyl oblysynyń taýly aýdandarynda jańbyr jaýyp, naızaǵaı oınaıdy. Taýly aýdandarda soltústikten soqqan jeldiń jyldamdyǵy sekýndyna 15-20 metrge jetedi. Tótenshe órt qaýpi, oblystyń shyǵysynda joǵary órt qaýpi saqtalady.
Jetisý oblysynyń soltústiginde, ońtústiginde, shyǵysynda, ortalyǵynda jáne taýly aýdandarynda jańbyr jaýyp, naızaǵaı oınaıdy. Taýly aýdandarda qatty jańbyr jaýyp, naızaǵaı oınaıdy, kúndiz burshaq jaýýy múmkin. Jel soltústik-batystan soǵyp, shyǵysta jáne taýly aýdandarda ekpini sekýndyna 15-20 metrge, kúndiz Alakól kólderi aýdanynda keı ýaqytta 23-28 metrge deıin jetedi. Oblysta tótenshe órt qaýpi saqtalady.
Batys Qazaqstan oblysynyń batysynda, soltústiginde jáne ortalyǵynda kúndiz ótkinshi jańbyr jaýyp, naızaǵaı oınaıdy, burshaq jaýyp, daýyldy jel soǵýy múmkin. Jel ońtústik-shyǵystan soltústik-batysqa aýysyp, kúndiz batysta, soltústikte jáne shyǵysta ekpini sekýndyna 15-20 metrge jetedi. Kúndiz aptap ystyq bolyp, aýa temperatýrasy 35-37 gradýsqa deıin kóteriledi. Tótenshe órt qaýpi, oblystyń soltústik-batysynda joǵary órt qaýpi saqtalady.
Qaraǵandy oblysynyń batysynda, soltústiginde jáne shyǵysynda jańbyr jaýyp, naızaǵaı oınaıdy, kúndiz burshaq jaýýy múmkin. Túnde jáne tańerteń batysta, soltústikte jáne shyǵysta tuman túsedi. Oblystyń ońtústiginde tótenshe órt qaýpi saqtalady.
Qostanaı oblysynyń batysynda jáne soltústiginde túnde jáne tańerteń tuman túsedi. Soltústik-batysta jáne shyǵysta joǵary órt qaýpi, ońtústikte jáne ońtústik-shyǵysta tótenshe órt qaýpi saqtalady.
Mańǵystaý oblysynyń ońtústiginde kúndiz ótkinshi jańbyr jaýyp, naızaǵaı oınaıdy. Kúndiz aptap ystyq bolyp, aýa temperatýrasy 38-42 gradýsqa deıin kóteriledi. Oblystyń batysynda jáne soltústiginde tótenshe órt qaýpi saqtalady.
Pavlodar oblysynyń soltústiginde, shyǵysynda jáne ortalyǵynda jańbyr jaýyp, naızaǵaı oınaıdy, kúndiz burshaq jaýýy múmkin. Túnde jáne tańerteń soltústikte, shyǵysta jáne ortalyqta tuman túsedi. Soltústik-batystan jel soǵyp, soltústikte, shyǵysta jáne ortalyqta ekpini sekýndyna 15-20 metrge jetedi. Oblystyń shyǵysynda joǵary órt qaýpi saqtalady.
Soltústik Qazaqstan oblysynyń shyǵysynda kúndiz ótkinshi jańbyr jaýyp, naızaǵaı oınaıdy. Túnde jáne tańerteń batysta, soltústikte jáne ońtústikte tuman túsedi. Soltústikten, soltústik-batystan jel soǵyp, kúndiz shyǵysta jáne ońtústikte ekpini sekýndyna 15-20 metrge jetedi.
Túrkistan oblysynda soltústik-shyǵystan jel soǵyp, batysta, taýly jáne taý bókterindegi aýdandarda onyń ekpini sekýndyna 15-20 metrge jetedi. Tótenshe órt qaýpi saqtalady.
Ulytaý oblysynyń shyǵysynda túnde jáne tańerteń tuman túsedi. Tótenshe órt qaýpi saqtalady.
Buǵan deıin Qazgıdromet 25–27 tamyzǵa arnalǵan aýa raıy boljamyn jarııalady.
