Naızaǵaı men órt qaýpi: Qazaqstannyń basym bóliginde daýyldy eskertý jarııalandy

ASTANA. KAZINFORM – 23 shildede Qazaqstannyń 16 óńiri men Astanada naızaǵaı jáne joǵary órt qaýpi boljanyp otyr. Bul týraly «Qazgıdromet» RMK málim etti.

Sınoptıkterdiń boljamynsha, Astanada 23 shildede joǵary órt qaýpi saqtalady.

Túrkistan oblysy

Oblystyń batysy men soltústiginde kúndiz shańdy daýyl bolady.
Túnde taýly asýlarda, kúndiz soltústiginde, batysynda jáne taýly aımaqtarda soltústik-shyǵystan soqqan jel 15-20 m/s jetedi.

Abaı oblysy

Oblystyń ońtústiginde kúndiz shańdy daýyl kútiledi.
Túnde ońtústik-batysynda, kúndiz soltústigi, ońtústigi men ortalyǵynda jel 15-20 m/s, ekpini 23 m/s deıin jetedi.

Soltústik-batysynda jáne ońtústiginde — erekshe órt qaýpi, qalǵan aýmaqtarda — joǵary órt qaýpi saqtalady.

Shyǵys Qazaqstan oblysy

Tańerteń jáne kúndiz oblystyń batysy, soltústigi men ońtústiginde soltústik-batystan jáne soltústikten soǵatyn jel 15-20 m/s bolady.
Joǵary órt qaýpi saqtalady.

Atyraý oblysy

Túnde oblystyń batysy men shyǵysynda naızaǵaı bolady.

Jel soltústik-batystan ońtústik-batysqa aýysyp, oblystyń soltústigi, shyǵysy jáne ońtústiginde 15-20 m/s ekpinmen soǵady.

Kúndiz 35–39°S aptap ystyq kútiledi.

Soltústiginde, ońtústiginde jáne shyǵysynda — erekshe órt qaýpi, batysynda — joǵary órt qaýpi.

Jetisý oblysy

Oblystyń shyǵysy men ortalyǵynda soltústik-shyǵystan soqqan jel 15-20, keıde 25 m/s bolady.

Aqmola oblysy

Kúndiz oblystyń batysy, soltústigi jáne ońtústiginde naızaǵaı kútiledi.
Jel ońtústik-shyǵystan jáne shyǵystan soǵyp, 15-20 m/s ekpinge jetedi.
Ońtústigi men shyǵysynda joǵary órt qaýpi saqtalady.

Almaty oblysy

22–24 shilde aralyǵynda kúndiz 35–36°S qatty ystyq bolady.
Erekshe órt qaýpi saqtalady.

Qaraǵandy oblysy

Kúndiz oblystyń ońtústiginde jel 15-20 m/s.
Batysy, ońtústigi men shyǵysynda — erekshe, soltústigi men ortalyǵynda — joǵary órt qaýpi saqtalady.

Soltústik Qazaqstan oblysy

Kúndiz oblystyń batysy, soltústigi men ońtústiginde naızaǵaı, burshaq jaýýy múmkin.
Túnde jáne tańerteń soltústigi men shyǵysynda tuman túsedi.
Kúndiz jel 15-20 m/s deıin kúsheıedi.

Jambyl oblysy

Jel oblystyń ońtústik-batysy, soltústik-shyǵysy jáne taýly aımaqtarynda 15-20 m/s, keı jerlerde 25 m/s bolady.

Qostanaı oblysy

Oblystyń batysy, soltústigi jáne shyǵysynda naızaǵaı boljanady.
Jel kúndiz 15-20 m/s deıin kúsheıedi.
Kúndiz ońtústiginde 35°S qatty ystyq kútiledi.
Ońtústiginde — erekshe, batysy men shyǵysynda — joǵary órt qaýpi saqtalady.

Batys Qazaqstan oblysy

Oblystyń batysy, soltústigi jáne shyǵysynda naızaǵaı.
Kúndiz jel 15-20 m/s, temperatýra 35–36°S deıin kóteriledi.
Soltústigi men shyǵysynda — joǵary, shyǵysy men ortalyǵynda — erekshe órt qaýpi saqtalady.

Aqtóbe oblysy

Oblystyń batysy men soltústiginde naızaǵaı.
Jel 15-20 m/s, kúndiz 35°S aptap ystyq.
Ońtústigi men ortalyǵynda — erekshe, soltústik-batysy men soltústik-shyǵysynda — joǵary órt qaýpi.

Qyzylorda oblysy

Oblystyń ortalyǵy men ońtústiginde shańdy daýyl.
Jel 15-20 m/s, kúndiz 40–42°S qatty ystyq saqtalady.

Pavlodar oblysy

Oblystyń batysy, ońtústigi jáne shyǵysynda joǵary órt qaýpi saqtalady.

Mańǵystaý oblysy

Kúndiz oblystyń ońtústik-batysy men soltústiginde shańdy daýyl bolady.
Jeldiń ekpini 15 m/s deıin jetedi.

Eske sala keteıik, buǵan deıin respýblıkanyń ońtústiginde termometr 42°C deıin kóteriletinin jazǵan edik.