Naızaǵaı men aptap ystyq: elimizdiń basym bóliginde daýyldy eskertý jarııalandy

ASTANA. KAZINFORM — 24 tamyz kúni Astana qalasy men elimizdiń 16 óńirinde daýyldy eskertý jarııalandy. Bul týraly «Qazgıdromet» RMQ málim etti.

Astana qalasynda

24 tamyz kúni túnde jáne tańerteń tuman kútiledi.

Aqmola oblysynda

Jeksenbi kúni túnde oblystyń soltústigi men shyǵysynda naızaǵaı bolady. Túnde jáne tańerteń batys, soltústik jáne shyǵys aýdandarda tuman túsedi.

Almaty oblysynda

Taýly aımaqtarda keı ýaqyttarda qatty jańbyr jaýady. Oblystyń ońtústiginde jáne taýly bólikterinde naızaǵaı men burshaq kútiledi. Ońtústiginde túnde shańdy daýyl soǵady.

Ońtústik jáne taýly aımaqtarda batystan, soltústik-batystan soqqan jeldiń ekpini sekýndyna 18-23 metrge deıin jetedi.

Soltústik, batys jáne shyǵys bólikterde joǵary, al keı jerlerde óte joǵary órt qaýpi saqtalady.

Túrkistan oblysynda

Jeksenbi túniniń birinshi jartysynda taýly aýdandarda naızaǵaı oınaıdy. Oblystyń soltústiginde shańdy daýyl turady.

Soltústik-shyǵystan soqqan jel soltústik, batys jáne taýly aýdandarda sekýndyna 15-20 metrge deıin kúsheıedi.

Oblys boıynsha tótenshe órt qaýpi saqtalady.

Atyraý oblysynda

Kúndiz oblystyń batysy men soltústiginde naızaǵaı, burshaq jáne daýyl kútiledi.

Ońtústik-shyǵystan, ońtústikten soǵatyn jeldiń ekpini kúndiz 15-20 m/s-qa jetedi.

Temperatýra 35-37 gradýsqa deıin kóteriledi.

Batys pen shyǵysta tótenshe, ortalyq bóliginde joǵary órt qaýpi saqtalady.

Jetisý oblysynda

Jeksenbi kúni shyǵysynda jáne taýly aýdandarda naızaǵaı kútiledi.

Shyǵysta jáne taýly bólikterde soltústik-shyǵystan soqqan jeldiń ekpini 17-22 m/s bolady.

Ońtústik pen shyǵysta joǵary órt qaýpi bar.

Batys Qazaqstan oblysynda

Kúndiz oblystyń batysy men soltústiginde qatty jańbyr, burshaq, naızaǵaı jáne daýyl kútiledi.

Ońtústikte kún qatty ysıdy — 36 gradýsqa deıin.

Ońtústiginde, batysynda jáne soltústiginde jel sekýndyna 15-20 metrge deıin kúsheıedi.

Ońtústik-batysta joǵary, batysta tótenshe órt qaýpi bar.

Abaı oblysynda

Jeksenbi túninde ońtústiginde jáne ortalyǵynda naızaǵaı bolady.

Kúndiz batysynda, soltústiginde jáne ortalyǵynda naızaǵaı, burshaq jáne daýyl kútiledi.

Soltústik-batystan jáne batystan soǵatyn jel: túnde ońtústiginde jáne ortalyǵynda — 15-20 m/s, kúndiz batysynda, soltústiginde jáne ortalyǵynda — 15-20 m/s, ekpini 23 m/s.

Batysy men ońtústiginde joǵary órt qaýpi bar.

Shyǵys Qazaqstan oblysynda

Soltústigi men shyǵysynda qatty jańbyr, kúndiz burshaq, daýyl jáne naızaǵaı kútiledi.

Jel ońtústik-batystan soltústik-batysqa aýysyp, soltústiginde, ońtústiginde jáne ortalyǵynda 15-20 m/s, kúndiz ekpini 23 m/s-qa deıin jetedi.

Soltústiginde joǵary, ońtústik-shyǵys jáne ortalyq bóliginde joǵary órt qaýpi bar.

Jambyl oblysynda

Jeksenbi kúni túnde oblystyń ońtústiginde jáne taýly bólikterinde, kúndiz taýly aýdandarda naızaǵaı kútiledi.

Soltústik-shyǵystan soǵatyn jel ońtústik-batysta, soltústik-shyǵysta jáne taýly jerlerde 15-20 m/s jyldamdyqpen soǵady.

Tótenshe órt qaýpi saqtalady.

Ulytaý oblysynda

Oblystyń shyǵysynda joǵary órt qaýpi saqtalady.

Mańǵystaý oblysynda

Jeksenbi kúni kúndiz oblys ortalyǵynda shańdy daýyl kútiledi.

Soltústik-batysy men ortalyǵynda ońtústik-shyǵystan soǵatyn jel 15-20 m/s bolady.

Qaraǵandy oblysynda

Soltústigi men shyǵysynda naızaǵaı bolady. Túnde jáne tańerteń tuman kútiledi.

Ońtústiginde tótenshe órt qaýpi bar.

Pavlodar oblysynda

Jeksenbi kúni soltústigi men shyǵysynda naızaǵaı bolady.

Túnde jáne tańerteń ońtústigi men batysynda tuman túsedi.

Kúndiz batysynda jáne ońtústiginde soltústik-batystan soqqan jel 15-20 m/s bolady.

Qyzylorda oblysynda

Oblystyń ońtústiginde shańdy daýyl kútiledi.

Soltústik-shyǵystan jáne shyǵystan soǵatyn jel kúndiz ońtústiginde 15-20 m/s jyldamdyqpen soǵady.

Qostanaı oblysynda

Jeksenbi kúni túnde jáne tańerteń batysy men soltústiginde tuman bolady.

Ońtústiginde tótenshe órt qaýpi bar.

Soltústik Qazaqstan oblysynda

Túnde jáne tańerteń batysynda tuman kútiledi.

Buǵan deıin habarlanǵandaı, ShQO-da qyrkúıekte kún sýytyp, qar aralas jańbyr jaýady.