Naızaǵaı, kúshti jel, burshaq: 9 mamyrǵa arnalǵan aýa raıy boljamy
NUR-SULTAN. QazAqparat - Sınoptıkter 9 mamyr, dúısenbige arnalǵan aýa raıy boljamyn jarııalady, dep habarlaıdy QazAqparat.
Respýblıkanyń batysy men ońtústigine tsıklon áser etedi. Osyǵan baılanysty naızaǵaı jarqyldap, kún jaýyn-shashyndy bolady, elimizdiń batysynda qatty jańbyr jaýady.
Qazaqstan boıynsha keı jerlerde jel kúsheıedi, shańdy daýyl soǵyp, batysta, ońtústikte burshaq jaýady.
Almaty oblysynyń soltústiginde jáne taýly aýdandarynda jel ekpini 25 m/s deıin kúsheıedi.
Túrkistan oblysynyń soltústiginde, batysynda shańdy daýyl, oblystyń soltústiginde, batysynda, taýly aýdandarda jeldiń kúshi - 15-20, ekpini - 25 m/s bolady. Kúndiz taýly aýdandarda naızaǵaı jarqyldaıdy, daýyl turady.
Batys Qazaqstan oblysynyń ońtústiginde, shyǵysynda naızaǵaı, burshaq, daýyl, shańdy daýyl, kúndiz oblystyń shyǵysynda, ortalyǵynda jeldiń ekpini - 15-20 m/s.
Atyraý oblysynyń ońtústiginde, shyǵysynda kún kúrkireıdi, burshaq jaýady. Oblystyń shyǵysynda jeldiń ekpini 15-20 m/s jetedi.
Mańǵystaý oblysynyń ońtústik-batysynda, soltústiginde, shyǵysynda naızaǵaı, burshaq, daýyl, kúndiz oblystyń batysynda, ońtústiginde shańdy daýyl, oblystyń batysynda, soltústiginde, ońtústiginde jeldiń kúshi - 17-22, ekpini - 25 m/s.
Aqtóbe oblysynyń ońtústiginde, soltústik-shyǵysynda, ortalyǵynda jel jyldamdyǵy sekýndyna 15-20 metrge jetedi.
Túnde Qostanaı oblysynyń batysynda, ońtústiginde, kúndiz oblystyń basym bóliginde jel - 15-20, ekpini 25 m/s deıin kúsheıedi.
Soltústik Qazaqstan oblysynyń batysynda, kúndiz Pavlodar oblysynyń ońtústiginde sekýndyna 15-20 m/s jyldamdyqpen jel soǵady.
Qaraǵandy oblysynyń batysynda, soltústiginde, shyǵysynda jel - 15-20, ekpini 23-28 m/s jetedi.
Shyǵys Qazaqstan oblysynyń batysynda, ońtústiginde, ortalyǵynda jeldiń kúshi - 15-20, ekpini - 25 m/s.
Qyzylorda oblysynyń soltústiginde, batysynda kún kúrkireıdi, daýyl turady, oblys ortalyǵynda shańdy daýyl, jeldiń ekpini - 15-20 m/s.
Jambyl oblysynyń taýly aýdandarynda naızaǵaı oınaıdy, burshaq jaýyp, daýyl soǵady. Oblystyń ońtústik-batysynda soltústik-shyǵysynda jáne taýly aýdandarynda jel qarqyny 25 m/s deıin kúsheıedi.
Aqmola oblysynyń batysy men ońtústik-shyǵysynda shańdy daýyl turady, jeldiń kúshi 15-20 m/s jetedi.
Batys Qazaqstan oblysynyń ońtústiginde, Aqtóbe oblysynyń soltústiginde, ortalyǵynda, Pavlodar oblysynyń ortalyǵynda tótenshe órt qaýpi saqtalady.
