Naızaǵaı er adam men bir balanyń ómirin qıyp ketti
ASTANA. QazAqparat - RF Perm ólkesiniń Dobrıansk aýdanynda 42 jastaǵy er adam men onyń jeti jasar balasy kóz jumdy. Aldyn ala málimetter boıynsha, olardyń ólimine naızaǵaı soqqysy sebep bolǵan.
Er adam men balanyń múrdeleri Kama jaǵalaýyndaǵy aýyldardyń biriniń mańynan tabyldy, dep habarlaıdy «Interfaks». Jergilikti turǵyndar bul týraly tergeý organdaryna habarlaǵan. Oqıǵa ornyna jetken aımaq tergeýshileri máıitterdi qaraý barysynda adamdardyń ólimine naızaǵaıdyń sebep bolǵandyǵy anyqtaldy.
Oqys oqıǵa boıynsha tergeý aldyndaǵy tekserý júrgizilip jatyr. Onyń qorytyndylary boıynsha protsessýaldyq sheshim qabyldanady.
