Naızaǵaı, burshaq, jel – seısenbige arnalǵan aýa raıy
NUR-SULTAN. QazAqparat – Seısenbide Qazaqstan aýmaǵynyń basym bóliginde aýa raıy qubylmaly bolady, dep habarlaıdy QazAqparat Qazgıdrometke silteme jasap.
20 shildede tsıklonnyń yqpalynda bolýy baılanysty Qazaqstan aýmaǵynyń basym bóliginde aýa raıy qubylmaly bolady, naızaǵaı oınap, jańbyr jaýady, keı jerlerde burshaq jaýýy yqtımal, tek elimizdiń ońtústigi men batysynda kún raıy ashyq bolady. Elimizdiń keı jerlerinde jel kúsheıip, ońtústikte shańdy daýyl soǵady, soltústikte jáne soltústik-batysta túnde jáne tańǵa jaqyn tuman túsýi múmkin.
Aqmola oblysynyń keı jerlerinde jel 15-20 m/s deıin kúsheıedi, kúndiz keı jerlerde burshaq jaýady.
Qostanaı oblysynyń keı jerlerinde tuman túsedi, kúndiz keı jerlerde jel 15-20 m/s kúsheıedi.
Jambyl, kúndiz Atyraý, Batys Qazaqstan, Shyǵys Qazaqstan oblystarynyń keı jerlerinde jel 15-20 m/s deıin kúsheıedi.
Kúndiz Túrkistan, Qyzylorda oblystaryń keı jerlerinde jeldiń jyldamdyǵy 15-20 m/s jetip, shańdy daýyl soǵady, Túrkistan oblysynyń keı jerlerinde burshaq jaýýy múmkin.
Kúndiz Qaraǵandy oblysynyń keı jerlerinde burshaq jaýýy múmkin, jel 15-20 m/s deıin kúsheıedi.
Pavlodar oblysynyń keı jerlerinde naızaǵaı kezinde jel 18 m/s deıin soǵady, túnde keı jerlerde tuman kútiledi. Túnde jáne tańerteń Soltústik Qazaqstan oblysynyń keı jerlerinde tuman túsýi yqtımal.
Kúndiz Túrkistan, Qyzylorda, Jambyl, Almaty, Aqtóbe, Atyraý, Batys Qazaqstan, Mańǵystaý oblystarynyń basym bóliginde ystyq bolady, Atyraý, Batys Qazaqstan, Aqtóbe oblystarynyń keı jerlerinde, Mańǵystaý oblysynyń ońtústiginde óte qatty ystyq bolýy múmkin.
Qyzylorda, Túrkistan, Mańǵystaý, Jambyl oblystarynyń basym bóliginde, Almaty, Atyraý, Batys Qazaqstan, Aqtóbe, Qostanaı, Qaraǵandy, Aqmola oblystarynyń keı jerlerinde, Shyǵys Qazaqstan oblysynyń ońtústiginde tótenshe órt qaýpi saqtalady.
