Naızaǵaı, burshaq, jel: Elimizdiń 9 óńirinde kún buzylady
NUR-SULTAN. QazAqparat - «Qazgıdromet» RMK málimetinshe, elimizdiń 9 óńirinde eskertý jarııalandy, dep habarlaıdy QazAqparat Tótenshe jaǵdaılar komıtetine silteme jasap.
21 mamyr kúni Nur-Sultan qalasynda naızaǵaı jarqyldap, jeldiń kúshi sekýndyna 15-18 metrge jetedi.
21 mamyrda Almaty qalasynda taýda kóshkin júrýi múmkin.
21 mamyrda Aqmola oblysynda keı jerlerde kún kúrkirep, daýyl soǵady. Burshaq jaýady. Jeldiń ekpini - sekýndyna 15-20 metr.
Atyraý oblysynda qatty jańbyr jaýyp, naızaǵaı oınaıdy. Jel qarqyny sekýndyna 15-20 metr bolady.
21 mamyrda Qostanaı oblysynda kún kúrkireıdi, jel kúsheıedi. Jel jyldamdyǵy - sekýndyna 15-18 metr.
Qyzylorda oblysynda naızaǵaı jarqyldaıdy, jel sekýndyna 15-18 metrge deıin kúsheıedi.
Mańǵystaý oblysynda shańdy daýyl soǵady, jeldiń ekpini - sekýndyna 15-20 metr.
21 mamyrda Pavlodar oblysynda naızaǵaı oınaıdy, daýyl soǵady. Burshaq jaýyp, jel kúsheıedi. Jel qarqyny - sekýndyna 15-18 metr.
Soltústik Qazaqstan oblysynda jańbyr jaýady. Naızaǵaı jarqyldap, daýyl turady, burshaq jaýady. Jeldiń ekpini - sekýndyna 15-20 metr, kúndiz sekýndyna 25 metrge jetedi.
Tótenshe jaǵdaılar komıteti turǵyndarǵa aýa raıynyń kúrt qubylýyn nazardan shyǵarmaýdy suraıdy. Daýyldy eskertý týraly habarlamaǵa qulaq asyp, qajetti saqtyq jasaý kerek. Jeldiń jyldamdyǵy sekýndyna 15-20 jáne tipti sekýndyna 30 metrge deıin kúsheıedi.
Eldi mekenderde qaýipsizdik tehnıkasynyń basty erejesin ustaný kerek. Shaǵyn qalalar men megapolısterde daýyl kezinde zardap shegý yqtımaldyǵy joǵary bolady. Qatty daýyl soqqanda úıdegi barlyq tereze tyǵyz jabylýy tıis. Tolyq jabylmaǵan balkon men lodjııadan qatty jel kezinde syrtqa ushyp ketýi múmkin barlyq zatty (qumyra, jáshik, shólmek jáne t.b.) alyp tastaý kerek.
Turǵyn úı buryshyndaǵy balkondarda daýyl kezinde ramasymen birge terezesi ushyp ketken jaǵdaı kezdesedi. Kóshede daýyl turǵan kezde jarnama qalqandary (jáne basqa da aspaly qurylymdar), avtobýs aıaldamasy, elektr baǵanasy men jelisi, sondaı-aq aǵashtardan barynsha alys turyńyz.
Aınalańyzǵa saq bolyńyz, ústige qulap ketýi múmkin zattardan alshaq bolýyńyz. Úzilgen symdar men qulaıtyn zattarǵa (aǵashtarǵa) jaqyndaýǵa bolmaıdy. «Qatty jel soqsa ol tyıylǵansha jaqyn mańdaǵy ǵımaratta nemese tabıǵı yqtasynǵa jasyryný qajet.
Úlken aǵashtyń, ásirese terektiń astyna kólik qoıýǵa bolmaıdy, óıtkeni aǵash nemese onyń iri butaǵy qulap basyp qalýy múmkin. Shirigen jáne kári, sondaı-aq jalǵyz turǵan aǵashtar da óte qaýipti.
«Úıden shyqpańyzdar, jaqyndaryńyzdy qorǵańyzdar» dep eskertedi komıtet.
