Naızaǵaı, burshaq, jel - 31 mamyrǵa arnalǵan aýa raıy boljamy

NUR-SULTAN. QazAqparat - Búgin, ıaǵnı 31 mamyr kúni Qazaqstannyń batys bóligine antıtsıklon áser etedi, osyǵan baılanysty batys pen ońtústikte jaýyn-shashyn jaýmaıdy, dep habarlaıdy QazAqparat.

Qazgıdromettiń málimetinshe, búgin elimizdiń soltústiginde, shyǵysynda, ońtústik-shyǵysynda jáne ortalyǵynda atmosferalyq fronttardyń áserinen turaqsyz aýa raıy saqtalady, jańbyr jaýyp, naızaǵaı oınaıdy, jel kúsheıedi jáne burshaq jaýady.

Almaty oblysynyń taýly aımaqtarynda naızaǵaı, kúndiz burshaq, daýyl bolady. Jel kúsheıedi, ońtústikte, taýly aýdandarda jel ekpini - 17-22, oblystyń shyǵysynda - 24-29 m/s jetedi.

Soltústik Qazaqstan oblysynyń soltústiginde, shyǵysynda naızaǵaı, burshaq, daýyl, jel qarqyny túnde soltústikte, batysta - 15-20 m/s, kúndiz basym bóliginde - 15-20, ekpini 25 m/s deıin kúsheıedi.

Qostanaı oblysynyń soltústik jartysynda naızaǵaı, burshaq, daýyl kútiledi, soltústiginde túnde jel - 15-20, kúndiz basym bóliginde - 15-20, kúndiz ekpini - 23 m/s.

Aqmola oblysynyń soltústiginde, batysynda, shyǵysynda naızaǵaı, burshaq, daýyl kútiledi, jeldiń kúshi - 15-20, kúndiz ekpini 23 m/s jetedi.

Qaraǵandy oblysynyń soltústiginde, shyǵysynda naızaǵaı, burshaq, daýyl kútiledi, túnde oblystyń batysynda jel qarqyny - 15-20, kúndiz - 15-20, 25 m/s.

Kúndiz Pavlodar oblysynyń basym bóliginde naızaǵaı, burshaq, daýyl bolady, oblystyń batysynda, ońtústiginde, ortalyǵynda jel 15-20 m/s deıin kúsheıedi.

Shyǵys Qazaqstan oblysynyń soltústiginde, shyǵysynda naızaǵaı, burshaq, daýyl turady. Jel ekpini - 15-20 m/s.

Jambyl ​​oblysynyń ońtústiginde, shyǵysynda, taý jáne taýly aýdandarda naızaǵaı, burshaq, kúndiz jeldiń jyldamdyǵy 15-20 m/s jetedi.

Kúndiz Qyzylorda oblysynyń ortalyǵynda jeldiń kúshi - 15-20 m/s, shańdy daýyl soǵady.

Shyǵys Qazaqstannyń oblysynyń Jarma, Katon-Qaraǵaı aýdandarynda, Qyzylorda oblystynyń ortalyǵynda tótenshe órt qaýpi saqtalady.