Naızaǵaı, burshaq jáne kúshti jel: Qazaqstanda kún raıyna baılanysty eskertý jarııalandy
ASTANA.KAZINFORM - 24 maýsymǵa Qazaqstannyń 17 oblysy men Astana qalasynda kún raıyna baılanysty eskertý jarııalandy, dep habarlaıdy «Qazgıdromet».
Astanada keı ýaqytta jańbyr jaýyp, naızaǵaı oınaıdy, kúndiz burshaq túsip, jel soǵady. Ońtústik-batystan soǵatyn jel ekpini sekýndyna 15–20 metrge jetedi.
Abaı oblysynda kúndiz oblystyń batysynda, ońtústiginde jáne ortalyǵynda jańbyr, naızaǵaı, burshaq jáne jel kútiledi. Oblystyń ońtústiginde shańdy daýyl bolýy múmkin. Aýa temperatýrasy 35–37 gradýsqa deıin kóteriledi. Órt qaýpi joǵary, keı aýmaqtarda tótenshe órt qaýpi saqtalady.
Aqmola oblysynda túnde jáne kúndiz jańbyr jaýyp, naızaǵaı oınaıdy, keı jerlerde burshaq túsip, qatty jel soǵady. Keı óńirlerde nóser jańbyr kútiledi.
Aqtóbe oblysynda jańbyr, naızaǵaı, kúndiz keı jerlerde burshaq pen ekpindi jel boljanady.
Atyraý oblysynda jańbyr men naızaǵaı bolady. Órt qaýpi joǵary.
Almaty oblysynda, sondaı-aq Almaty jáne Qonaev qalalarynda qysqa jańbyr men naızaǵaı bolady. Kúndiz aptap ystyq 35–37 gradýsqa jetedi. Іle Alataýynyń taýly aımaqtarynda da naızaǵaı kútiledi.
Shyǵys Qazaqstan oblysynda jańbyr, naızaǵaı, keı jerlerde burshaq pen jel bolady.
Jambyl oblysynda jańbyr, naızaǵaı jáne qatty jel bolady.
Jetisý oblysynda taýly aýdandarda jańbyr jaýyp, naızaǵaı oınaıdy. Kúndiz aptap ystyq 35–38 gradýsqa deıin kóteriledi. Taldyqorǵan qalasynda da qatty ystyq saqtalady.
Batys Qazaqstan oblysynda jańbyr men naızaǵaı bolady.
Qaraǵandy oblysynda jańbyr, naızaǵaı, burshaq jáne jel boljanady. Qaraǵandy qalasynda da jaýyn-shashyn kútiledi.
Qostanaı oblysynda jańbyr, naızaǵaı, burshaq jáne qatty jel bolady.
Qyzylorda oblysynda jel kúsheıedi. Ońtústiginde tótenshe órt qaýpi saqtalady.
Mańǵystaý oblysynda jańbyr, naızaǵaı jáne shańdy daýyl bolýy múmkin.
Pavlodar oblysynda jańbyr, naızaǵaı, burshaq, shańdy daýyl bolýy yqtımal. Aýa temperatýrasy 35–36 gradýsqa deıin kóteriledi.
Soltústik Qazaqstan oblysynda jańbyr, naızaǵaı, burshaq, jel jáne shańdy daýyl turady. Keı jerlerde tuman túsedi.
Túrkistan oblysynda, sondaı-aq Shymkent jáne Túrkistan qalalarynda ótkinshi jańbyr jaýyp, naızaǵaı oınaıdy. Keı aýmaqtarda tótenshe órt qaýpi saqtalady.
Ulytaý oblysynda jańbyr, naızaǵaı, keı jerlerde burshaq pen qatty jel kútiledi.
Budan buryn habarlaǵanymyzdaı, Eýropa aptap ystyqtan zardap shegip jatyr.
