Naızaǵaı, burshaq, tuman, shańdy daýyl: El aýmaǵynda aýa raıy qubylady

ASTANA. KAZINFORM — Qazaqstan aýmaǵynyń basym bóligi tsıklondyq qyzmet pen atmosferalyq frontaldi bólimderdiń yqpalynda bolady, dep habarlaıdy «Qazgıdromet» RMK baspasóz qyzmeti.

Sınoptıkterdiń boljamynsha, Qazaqstanda naızaǵaımen jańbyr jaýady, eldiń soltústik-batysynda burshaq pen daýyl bolýy múmkin.

— Eldiń ońtústiginde, shyǵysynda, ońtústik-shyǵysynda aýa raıy jaýyn-shashynsyz bolady dep kútiledi. Respýblıka boıynsha jel kúsheıedi, ońtústiginde shańdy daýyl soǵady, soltústiginde, shyǵysynda túngi jáne tańerteńgi saǵattarda tuman bolady, — delingen habarlamada.

Sonymen qatar Almaty, Aqtóbe oblystarynda, Ulytaý, Jetisý oblystarynda, Qaraǵandy oblysynyń batysynda, soltústiginde, Aqmola oblysynyń ońtústiginde, ortalyǵynda, Batys Qazaqstan oblysynyń soltústiginde, ońtústiginde, shyǵysynda, Atyraý oblysynyń batysynda, Qostanaı, Shyǵys Qazaqstan oblystarynyń ońtústiginde órt qaýpi joǵary bolatyny eskertildi.

Al Túrkistan, Qyzylorda, Mańǵystaý, Atyraý, Jambyl oblystarynda, Batys Qazaqstan oblysynyń batysynda, Almaty oblysynyń batysynda, soltústiginde, ońtústiginde, Jetisý oblysynyń shyǵysynda, ońtústiginde, Qostanaı oblysynyń ońtústik-batysynda, Qaraǵandy oblysynyń ońtústiginde, Aqtóbe oblysynyń shyǵysynda, ońtústiginde, ortalyǵynda, Ulytaý oblysynyń shyǵysynda tótenshe órt qaýpi kútiledi.

Osydan buryn Soltústik Qazaqstan oblysynda sınoptıkter kúzdiń alǵashqy aıy — qyrkúıektegi aýa raıy boljamyn jarııalady.