Naızaǵaı, burshaq, tuman: Eki oblysta kún buzylady
NUR-SULTAN. QazAqparat - Aýa raıynyń buzylýyna baılanysty sınoptıkter eki óńirde eskertý jarııalady, dep habarlaıdy QazAqparat «Qazgıdromet» RMK baspasóz qyzmetine silteme jasap.
11 qyrkúıek kúndiz Shyǵys Qazaqstan oblysynyń keı jerlerinde nóser jańbyr jaýyp, 12 qyrkúıek túnde keı jerlerde qatty jaýyn-shashyn (jańbyr, dymqyl qar) bolady. Keı jerlerde tuman túsip, naızaǵaı oınaıdy. Kúndiz burshaq jaýady. Batystan jáne soltústik-batystan soqqan jeldiń kúshi keı jerlerde 15-20 m/s jetedi.
11 qyrkúıekte Óskemen qalasynda kún kúrkirep, kúndiz burshaq jaýady. Kúndiz batystan jáne soltústik-batystan soqqan jeldiń ekpini - 15-20 m/s.
Osy kúni Semeı qalasynda naızaǵaı jarqyldap, kúndiz burshaq jaýady. Kúndiz batystan jáne soltústik-batystan jel soǵyp, ekpini 15-20 m/s deıin kúsheıedi.
11 qyrkúıek kúndiz Qyzylorda oblysynda coltústikten jáne soltústik-shyǵystan soqqan jeldiń kúshi keı jerlerde 15-20 m/s bolady.
